Monday, January 21, 2008

مظاهرة اعضاء مجلس الشعب رد على حصار غزة

أقامه اليوم أعضاء مجلس الشعب وهم نواب الشعب مظاهرة إمام المجلس المحترم ولان الشرطة المصرية محترفه في الحصار قامت بحصار أعضاء مجلس الشعب حصار نواب الشعب ومنعهم من التحرك بمسيرة التي كان مقرر إن تنتهي إلى السفارة الاسرائليه ولكن الأمن حاصرهم ومنعهم من التحرك
المشكلة إن في تغيب كبير جدا لكارثة غزة المواطن المصري بيسئل لسه هو في إيه في غزة كارثة انظر تجربه اروه الطويل هنا
على العموم فعلا الوضع وصل إلى إن الأطفال الموجدين في الحضانات يموت لان الحضانات بكهربة اى شخص في غرفه الإنعاش هيموت فوران مصيبة يا عم سام مذبحه يا مجتمع يا دولي مذبحه يا مبارك يا ريس لمه بوش جه أداك ألطرشه ونفضلك وأنكر دورك الرائع في حصار غزة وموت الشعب الفلسطيني طيب خلى عندك كرامه ورد على الموضوع دة بفتح الحدود ولو ساعة ساعة بس ندخل منه الوقود و دواء مش مهم الأكل مش مهم البشر حتى المهم الوقود والدواء ألان استحلفك بالله يا رئيس مصر ساعة فقط ندخل بها الدواء والوقود استحلفك باسم كل طفل في الحضانات بسم كل أم تره ابنه يموت إمامه بسم كل شاب أصيب برصاص إسرائيل ولا يجد علاج استحلفك باسم كل أب لم يجد العلاج لبنه أرجوك ساعة فقط وسوف تكون في ميزان حسناتك
أرجوك افتح الحدود ساعة فقط من اجل انفاظ مليون ونصف نسمه الكارثة ألان إن بعد نفاذ الوقود سوف تتوقف محطات الكهربة وطبعا له التلفونات وألنت وكل وسيله اتصال يعنى حتى لن نعرف ماذا يفعل العدو الاسرائيلى باخوانا في غزة كارثة
ارجه من الله إن يفرج الكرب
عموما اى اعرفه بكرة إن شاء الله في مظاهرة إمام نقابه الأطباء الساعة 11 صباحنا
مظاهرة أمام نقابة المحامين المصرية بالقاهرة بعد ظهر غدٍ الثلاثاء لرفع الحصار عن قطاع غزة
وجارى أعلمكم بباقي
احمد الجيزاوي
اولا الصور
ثانيا الفيديو
حصار من اجل الحصار

حصرة اعضاء مجلس الشعب لدرجه انى الواحد معرفش يصور لا قفه او الفقيات اى وقفين
كنت بنط وصور فى اقل من ثانيه
المظاهرة الواحيدة كان نفسى اكون طويل فيه


صورة عجبانى عجبنى تصويرى ههههههه نسئل الله الاخلاص




ضباط من اجل التفعيص



اعضاء مجلس الشعب عوزين يخرجه





الحصار الكامل










http://www.youtube.com/watch?v=HWsMOBViXEA

http://www.youtube.com/watch?v=zKbeIvf9sZA

احمد الجيزاوى

19 comments:

shimaa mahdy said...

الشباب والشعب مش مغيبين بس عن اللى بيحصل فى غزة، دول مغيبين عن اللى بيحصل فى مصر أصلا

المشكلة الحقيقية إن كل الناس كبار وصغار عندهم احباط، كله مستسلم للى بيحصل وما حدش عنده استعداد لمجرد التفكير فى أى حاجة

الظروف والأوضاع الاقتصادية والاجتماعية اللى الناس عايشاها من أهم أسباب التغيب كله بيلف فى الطحونة علشان يوفر لقمة العيش وحالة الاكتئاب والاحباط المسيطرة على الناس كلها وخصوصا الشباب لأنها مش أول مرة وما فيش موقف عربى، كل اللى بيعملوه هو الشجب والإدانة وحتى ده ما بقاش بيحصل ملتزمين الصمت

والمعابر مش هتتفتح غير بأمرهم زى ما اتقفلت بامرهم

مدحت محمد said...

اه فعلا زى ماقالت الاخت شيماء هنلاقيها منين ولا منين
الناس مغيبة مش كفاية الهم اللى احنا فيه
هنشيل هم غيرنا
تقريبا ده الواقع
المسئولية يتحملها كافة الزعماء العرب
وسيسالو عن غزة يوم القيامة
وعن كل مايحدث
فى بلادنا الاسلامية

only spot said...

لا حول ولا قوة الا بالله وحسبى الله ونعم الوكيل وربنا لطيف ورحيم واحن عليهم ويمكن يهدى العصاه الى اتجردو من انسانيتهم ويسمحوا بعبور الوقود ان شاء الله
ربنا يوفقكم يا جيزاوى ويسلم لكم طريقكم من كل شر
ويقف جنب اخوانا الفلسطنين
يا رب ارفع عنا غضبك وارحمنا
تحياتى

ابن رشد said...

الله ينور يا جيزاوي على التغطية
و كويس ان اعضاء مجلس الشعب اتحركوا فاضل الشعب نفسه يتحرك
و حسبي الله و نعم الوكيل

Empress appy said...

صرخات تنبع من قلب كل أم مشفقة على أبائها في

قطاع غزة ، ففي ظل الإنتهاكات الصهيونية في بلدنا

الحبيب فلسطين تفرض الذئاب الجائعة ( إسرائيل )

حصارها على قطاع غزة و تمنع وصول الطاقة إلى

محطات توليد الكهرباء ؛ مما أدى إلى إنقطاع الكهرباء

عن قطاع غزة بالكامل !!

البرد القارس يفت كبد الفلسطينيين ، بل الدمع يتدفق و

يسيل من الجفون ، فالأطفال تصرح ، والرجال يقفون

صامتون لا يقدرون على شيء ، فليس بيديهم سوى

الدعاء شفقة ورحمة بذويهم
هقولك ايه بس يا احمد نروح نفتح احنا الحصار ده وندخل الادويه تستحلف مين دول الدم فى عروقهم خلاص بقى تلج

walaa said...

اخواننا فى غزه محاصرون لايجدون لا ماء ولا طعام بين الحياه والموت
ونحن هنا ناكل وننام ونشعر بالدفء




لذلك قرر مجموعه من المدونين الذهاب الى معبر رفح لو حضرتك تقدر تشارك وتيجى معانا او اى مشاركه تانيه لنصرة اخوانننا فى غزه يا ريت تبلغنى
ولاء
والتفصيل عند شمس الزناتى

Anonymous said...

الحمد الله ان هناك امثلك يدافعه عن الاسلام
على ايوب

بنت أبيها said...

اسحلة فتاكة بأيدينا

لنستخدمها جميعا

الدعاء

التبرع

المقاطعة

المناصرة بالقلم او اللسان وغيرها والمتابعة للقضية ونشرها

البعد عن المعاصى .. وندعو الله الا يؤاخذهم بذنوبنا

احمد الجيزاوى said...

شيماء
بصى المشكله ان الدور التوعيه عند الناس دة رنا احنا الشباب ولكن نحنو نقصر فى دورنا
احمد الجيزاوى

احمد الجيزاوى said...

دوحه
اولا المسئوليه مشتركه فى دور علينا لزم نعمله الاول اما من قصر او خان مثل زعماء العرب فالله غالب
احمد الجيزاوى

احمد الجيزاوى said...

only spot
امين يا رب انا املى كبير جدا فى ربنا ادعى بس على شان حتى الاطفال
احمد الجيزاوى

احمد الجيزاوى said...

shams
انا مستنى رد فعل التحرك دة
احمد الجيزاوى

احمد الجيزاوى said...

appy
ان الله وان له راجعون
احمد الجيزاوى

احمد الجيزاوى said...

walaa
ان شاء الله
هنرتب
مع شمس
احمد الجيزاوى

احمد الجيزاوى said...

على ايوب
الله يكرمك
احمد الجيزاوى

احمد الجيزاوى said...

بنت أبيها
الدعاء

التبرع

المقاطعة
الله اكبر

يا امه الميار
النصر قريب

مهندس مصري بيحب مصر said...

أهو الفلسطينيين نسفوا ثغرات في السياج الحدودي و عبر حوالي 200 ألف و اشتروا كل حاجة من محلات العريش و رفح
و الأمن المصري ما قدرش يمنعهم

منى said...

متستناش من الحكومات اى حاجه
بس الحمد لله هما زى ما سمعنا قدروا يدخلوامن معبر رفح للحدود المصريه وخدوا بعض الاحتياجات بس اكيد مش كفايه
يا ريت نقدر نعمل اى حاجه تفيدهم بجد
ربنا معاهم ومعانا

عاشــــــ النقاب ـقــــة"نونو" said...

فعلا تغطية هايلة جدا وعرفت ليه بتعتقل وتصدق ضحكتني اوي لما قلت انك كان نفسك تبقى طويل في المظاهرة معلش
بس حاسب على نفسك شوية انتوا شباب يتخاف عليه في الايام دي الامة محتاجاكوا ربنا يرعاكزا ويحفظكوا