Wednesday, January 23, 2008

اشتباك الامن مع المتظاهرين فى قلب القاهرة من اجل غزة

الله واكبر عليكم يا إخوان والله وحشوننا واشتاق لكم الشارع المصري فعلا الإخوان اليوم هزة مصر هزة الشارع المصري وإنشاء الله دائما إلى الإمام يا جنود الله
الله واكبر ولله الحمد الله واكبر ويحيا الشعب
الله واكبر الله اكبر فعلا مظاهرة من اجل غزة ربنا يجعله في ميزان حسانكم
اليوم حسب المعاد كان فى مظاهرة امام التحرير وكان فى شابا بيسحل ويضرب ويعتقل الاعتقال عشوائى الناس اى جيه من الاقليم رجعوة فى الطريق ناس ملهاش دعوة بحاجه اعتقلوة مصر كله اعتقلوة كان فى ناس معه تصريح تقابل امين عام جامعه الدول العربيه اعتقلوهم كان فى ناس عمله مظاهرة فى عمر مكرم اعتقلوهم كان فى ناس مشيه فى حله ضربوهم ناس كتير جدا اعتقله
نوشه صاحب مدون انا مش معاهم وشمس الزناتى وانا بستشهد بيهم كمستقلين وليس اخوان يعنى ناس عاديه علشان حجه الامن انه كان بيضرب الاخوان وبس نوشه اتفرم فرم كل ضرب ..... شمس اطحن بمعنى الكلمه ولا همه اخوان ولا حاجه اتزنقه فى شارع معروف وشارع طلعت حرب وعساكر الامن المركزى فين يوجعك قمع على اعلى درجه دة مثلا بسيط على ما فعله الامن فى كل الاخوة
بعد نجاح الامن من اعتقال ما يزيد عن 350 واحد سابه ناس فى الصحراوى وناس عند قسم الدرب الاحمر
ولسه فى 51 واحد معتقل حتى الان فى معسكر الدراسه
المهم جمعنا نفسنا وتحركنا جمعات تانى الى نقابه المحامين وكانت ملحمه تحول ميدان الاسعاف الى قاعدة عسكريه الضابط انا شيفه كل شويه يسرخ فى التلفون المحمول واللسلكى معنا عوز تعزيزات وكل شويه تعزيزات تيجى افضل تابعه الصور

الان مع الصور


المظاهرة فى التحرير
المظاهرة فى التحرير
مظاهرة فى التحرير
الامن بعد ما جرى ورانا وضربنا فى شارع معروف
بيجمع نفسه
المظاهرة فى نقابه المحامين






اكرم الايرانى













النقابه من الخارج كانت سكنه عسكريه


حصار كامل فى نقابه
الناس وله همه الحصار وفى كل حته فةق تحت على السطوح

المصفحات الامن

والمدرعات
حاله من التوتر كانت بيت الضباط

من خفهم فضه ميدان الاسعاف بكاملولك يتركه لا الامن


فيديو مظاهرة التحرير

العار العار على مصر الحصار

احمد الجيزاوى

43 comments:

shimaa mahdy said...

هى كانت مظاهرة جامدة والحمد لله فعصونى وداسوا عليه بس مسامحاهم علشان ما كنش قصدهم كان نتيجة التدافع لأن العدد كان كبير

بس على فكرة الناس اللى كانت فى الشارع وأصحاب المحلات كانوا بيدعوا على المتظاهرين وبيقولوا دلوقتى يتمسكوا ويضربوا وهما يستاهلوا.. بيدافعوا عن فلسطين طيب ما احنا حالنا اسوأ منهم ، والفلسطنين اساسا بيكرهونا وكلام من هذا القبيل

أنا كذا مرة يكون ليه السبق فى التعليق الأول، وكده هيبقى احتكار
:)

مهندس مصري said...

ربنا يكرمكم و يكون في عونكم يا جدعان

انا مش معاهم said...

ازيك يا احمد بيه
انا سيف اللي ناديت عليك لما كنت بتصور
وكنت انا مفعوص تحت وفضلت اقولك يا جيزاوي انت بصيتلي من هنا وكلنا جرينا من هنا ودسنا علي الظابط
هوا انا هاحكيلك مانت كنت موجود
بس الصراحه كانت من احلي المظهرات صح ولا ايه؟؟
تحياتي
سيف الاسلام

السكندرى said...

جيزاوى حبيبى

صراحة انا فخور بيك
وطول ما فى فى امتنا شباب نشيط ومتحرك زيك
يبقى فيه امل

تحياتى ليك ولكل من شارك فى تلك المظاهرة
وجعل الله ذلك الوقت والجهد فى ميزان حسناتكم جميعا

shams said...

جيزاوي التغطية رائعة زي كل مرة
بس لازم تشرد ان احنا اتضربنا
ما علينا
بس الحمد لله احنا فخورين باللي عملناه
و عقبال النظال القادم
بس انا شبعت ضرب ابقى اضرب انت بقى

صانعة الحرية said...

السلام عليكم
اولا جزاك الله الفردوس الاعلى من الجنه وبعد عن حضرتك الامن وعصافيره
وجزاك الله خيرا على هذه التغطيه والله شعروت وكانى هناك
============
ثانيا
والله اشعر بتفائل
الا ان نصر الله قريب
طول ما فى شبابا واعى وحامل هم القضيه
ان شاء الله خير
==============
ثالثا
وسائل لمساعده اخواننا فى غزه على مدونتى

appy said...

كل علقه وانت طيب انت وهما
بس ارجع واقول يا ريت نشوف النتيجه وتطلع كويسه وبعدين انا سمعت ان كان فيه بنات مش قولنا بلاش بنات فى المظاهرات علشان الحاجات الوحشه ولا هما غاويين معلش يا بنات انا زيكوا بس مش بحبها علشان الحاجات اللى مش كويسه والتحرشات والبتنجانات اللى بعض البنات ادمنوها مش كلهم

امام الجيل said...

جزاكم الله خيرا على هذه التغطية
يا عم احمد
انا شفتك امبارح بس معرفتش اناديلك من الاعداد
كنت فوق السطوح خالص
ربنا يتقبل منا هذه الاعمال

خطوات عملية
-----------
لجنة الإغاثة والطوارئ:
-للتبرع على أرقام الحسابات الآتية:
بنك فيصل: 212051
بنك مصر: 18810/1/101
البنك التجاري الدولي (CIB): 4-9000291-10
بنك قناة السويس: 0/1/21090
-أو تبرع مباشرة في مقر إتحاد الأطباء العرب على العناوين التالية :
42 ش القصر العيني - دار الحكمة – القاهرة - جمهورية مصر العربية.
نقابة أطباء القاهرة-مدينة نصر-تقاطع شارع علي أمين مع شارع مصر للطيران-بجوار المخبز الآلي
22شارع بورسعيد -الشاطبي- الإسكندرية
373شارع جمال عبد الناصر-المندرة-الإسكندرية-تلفون: 0101930344

سيكو said...

حلو قوووووووووووووى
بجد اللى حصل امبارح حاجه حلو قوى
ودائما كده

بس والنى يا جيزاوى متقسمها
لان اللى كانوا فى المظاهره مصر كلها

ومتستعجلش على التقسيم ولا هتعمل زى الحكومه دول اخوان ودول شيعوبن
واضرب ده فى ده

كلنا مصرببن

وكلنا والحمد الله مسلمبن

لا الايلام
هو من ايلم وجه لله فقط
واحنا كلنا كده


وبتمنى تضرب المره الجابه
سيكو بقه تعمل ابه
ومتطهده الرجاله

فرنسا هانم said...

اولا
مدونه حضرتك اكثر من ممتازه
ودور كبير ونشاط رائع
ثانيا
انت بتقول فرنسا هتحبسنا ؟؟؟
ده انا كنت خايفه وانا بتفرج على صورك وبقراء كلامك
الاخ احمد
تحيه لكل مصرى حر
تحيه لكل من شرب من ماء النيل الطهور
فذاده نقاء

walaa said...

بجد بارك الله فيكم وجعل هذا العمل فى ميزان حسناتكم بجد يا جيزاوى حضرتك بتقول فى ناس كتيييير اتحركت غير الاخوان صدقنى الناس فاض بيها وعاوزه تعمل حاجه بس عايزه اللى يحركها الناس فاض بيها من كتر الظلم
وده اقل حاجه ممكن نعملها للاخوانه فى غزه وكان الله فى عونهم
واللى اضرب ولا اعتقل جعل هذا العمل فى ميزان حسانته

coca said...

كل علقه وانت بخير

بس ان شاء الله الضرب والاهانه اللي في البلد دي ربنا يعوضك عنها

بنت أبيها said...

ربنا يتقبل

ويجعله فى ميزان الحسنات

ويهدى الحكام

احمد الجيزاوى said...

شيماء
دة شرف كبير جدا لمدونه احتكار التعليق الاول لحضرتك
والحمد الله انك بخير
احمد الجيزاوى

احمد الجيزاوى said...

منهدس مصرى
جزاك الله خيرا
احمد الجيزاوى

احمد الجيزاوى said...

انا مش معاهم
والله يا سيف انا شفتك بس انت شفت الواد الامين بتاع الشرطه شدنى من فوق الصور ووقعنى وبعد كدة محدش شاف حد
بس يا عم خلينا نشوف بعد فى غير المظاهرة وانا طول الوقت ملقح على البوسه
اى وقت كلمنى على المحمول وانا تنزلك على طول
احمد الجيزاوى

Shimaa mahdy said...

appy

على فكرة ما كنش فى بنات خالص فى المظاهرة، وانا كنت فى وسط البلد علشان كده شفت المظاهرة واللى حصل فيها، ولو ركزتى فى الصور هتلاقيها كلها رجالة، ما أعتقدش إن فى بنات بتنزل المظاهرات ولو فيه بيبقوا كبار فى السن مش بنات صغيرين

احمد الجيزاوى said...

السكندرى
الله يكرمك بس فى شباب فعلا احسبهم على الله خيرا واملى فيهم كبير جدا
وان شاء الله الصحوة جيه قريبنا
احمد الجيزاوى

احمد الجيزاوى said...

شمس
كل علقه وانت طيب
احمد الجيزاوى

احمد الجيزاوى said...

صانعه الحريه جزاكى الله خيرا وجعل عملك فى ميزان حسناتك انه على ذلك قدير

احمد الجيزاوى said...

appy
احب اعرفك حاجه مهمه فعلا كان فى بنات كتيرة موجودة على عكس كلام شمس يعنى اول تعليق كان لشيماء المهدى وبتقول انه جت وكمان فى ربعه المحاميه و اخوات بس كانه لوحدهم
لانى احب اعرفك انى مظاهرة الاخوان بحمد الله لا يوجد بها اختلات نها الاخوة فى مكان والاخوات فى مكان وهذا ما حدث الاخوات كانه وقت المظاهرة فى النقابه المحامين كانه فى الكافتريه وجنينه النقابه من الخلف وكان الاخوة كمان باين فى الصور انهم فى الامام ومن كثرة حرص الاخوان على الاخوة هو انهم دائما بعدين عن ايدى الامن والاخوات
دة علشان تعرفى انتى وشمس اسلوب مظاهرات الاخوان اما غير ذلك من المظاهرات ممكن ان يحدث فعلا كما تقولى
وابلغ مثل ان مظاهرة التحرير هذة كان بها ربعه المحاميه ولم يمسسه احد
ومظاهرة اخرة كانت يوم 25 / 5 / 2005 امام نقابه تم الاعتداء عليه والتحرش بها وتمزيق ملابسها
هذا هو الفرق ان البنت الملتزمه تعرف متى يمكنه ان تعترض ومتى يمكن ان تنسحب حفظا لكرمته وشرفه عكس غير الملتزمه التى لا تعرف هذا
احمد الجيزاوى

احمد الجيزاوى said...

امام الجيل
بجد انا خسرت كتير انى مشفتكش بس هعمل ايه انت شفت الدنيا كانت مقلوبه
عموما ان شاء الله يكون لنا لقاء قريبنا

احمد الجيزاوى said...

سيكو
مطلعيش السايكو بتاعك عليه
هههههههههههه
بصى المظاهرة كانت بتنظيم من الاخوان واغلب الحضور كان من الاخوان ولكن الاخوان لم يرفض احد ولم يمنع احد من المشاركه
ولكن الى شارك فى المظاهرة كانه حركه كفايه وحزب العمل الاسلامى
اما باقى الاحزاب والقوة لم اشاهد له وجود
احمد الجيزاوى

احمد الجيزاوى said...

فرنسا هانم
هنا يا دى النور المدونه نورت
بجد لوكنتى معانه فى المظاهرة كانت فرقت بجد واالمن كان عمل الف حساب
تحياتى لكى ولاهل السويس المدينه الباسله
احمد الجيزاوى

احمد الجيزاوى said...

coca
وانتى طيبه وبصحه وسلام
ومصر بخير
تحياتى لكى

احمد الجيزاوى said...

بنت أبيها
تقبل الله دعاكى
وفك الله اسر كل اسير ورد لكم كل غالى
احمد الجيزاوى

احمد الجيزاوى said...

شيماء انا رديت خلاص على ابى وفهمته الفرق بين مظاهرات الاخوان المحترمه وما تقصدة هى من مظاهرات اليسار وهى لزم تفرق
وتفهم انى فى فرق كبير جاد بين مظاهرة الاخوان ومظاهرة التانيه

appy said...

الله مش شيماء قالت انها كانت فى المظاهرة واتفعصت ولا انا مش بعرف اقرى ولا ايه وبعدين انا مش بتكلم على ان اللى فى المظاهرة او الاخوان هما اللى بيفعصوا انا اقصد الامن وبعدين ايه يا جيزاوى انت ناسى ايه اللى حصل لرابعه قبلك كده وكل مرة ومن الامن ولا ايه وابقى اقرى كلامك يا شيماء يعنى انا مكونش عارفه ان مكان فيه زحمه واحشر نفسى يعنى حتى الرسول قال ان ده مينفعش وحتى حرم خروج المرأة بعد المغرب لوحدها وكمان من غير محرم واحنا بنعمل ده مجازا يعنى بنخرج فمنحش كمان للامن والمظاهرات اللى عارفين ان فيها ضرب وبعدين نشتكى ونقول اتحرشوا بينا يا سلام ايه المبدأ ده
جيزاوى ما ممكن نتكون صورت الرجاله بس هههههههههههههههههههههه وسيبتك من الحريم على فكرة انا بقول الكلام ده خوفا على البنات مش زم فيها ومش ذنبى ان الناس مش فاهمه كلامى او وجهه نظرى ولا بسين مدرعات للهجوم من غير تفكير ههههههههههههههههههههههههههه كل علقه وانت وهما طيبين يا جيزاوى تحياتى من كوكبى

shimaa mahdy said...

appy

أنتى بتعرفى تقرائى وأنا فهمت كلامك بس أنا عاوزة أوضح حاجة

أولا أنا ما كنتش نازلة المظاهرة ولا عمرى نزلت وقفت فى مظاهرات،وأول مرة أشوف مظاهرة لأن الحاجات اللى كنت بنزل أغطيها بحكم إنى صحفية كانت كلها عبارة عن وقفات احتجاجية على سلم النقابة أو فى نقابة المحامين والأعداد فيها ما كنتش بتزيد عن عشرين ثلاثين واحد بالكتير

وأنا ما كنتش نازلة المظاهرة أنا كنت موجودة فى وسط البلد كان عندى ميعاد تبع شغلى وكنت عارفة ان فى مظاهرة هتتعمل عند جامعة الدول مش فى ميدان التحرير وفى وفد هيقابل عمرو موسى ويقدمله مذكرة أو طلبات حاجة من هذا القبيل ، وفضولى الصحفى هو اللى خلانى أقف فى التحرير علشان أشوف اللى هيحصل، لكن من سوء حظى إنى أتفاجأت بالإخوان وهما متجمعين وبيهتفوا فى نفس المكان اللى أنا كنت واقفة فيه عند بتاع الجرايد اللى على الرصيف المقابل لرصيف كنتاكى، لأن انا ما كنتش عارفة إن هما هيتجمعوا فى المكان ده أنا كنت عارفة إن هما هيتجمعوا عند كنتاكى وبعدين هيبدأوا يتحركوا ناحية جامعة الدول علشان كده قلت أقف بعيد عن المكان اللى هيكونوا واقفين فيه وخصوصا إنى شفت فرق الكارتيه ده واقفين مجموعات على رصيف كنتاكى والرصيف اللى انا كنت واقفة عليه كانت الحياة طبيعية جدا وما كنش فى حد واقف وبتاعة الجرايد قاعدة بتبيع فى أمان الله وفارشة الجرايد على الرصيف وهى مطمئنة واتفاجئت برده بالمتظاهرين وبدأت تلم فى الجرايد لأن العدد زاد بسرعة جدا والناس بدأت تقف على الجرايد اللى كانت مفروشة على الأرض، وللأسف أنا ما عرفتش أتحرك من مكانى لأن العدد كان كبير جدا فقلت أفضل حاجة إنى أفضل فى مكانى وهما أكيد شوية وهيمشوا زى كل مرة لكن اللى حصل إن الأمن أتعامل معاهم بعنف وبالتالى الناس اللى كانوا واقفين بيهتفوا بدأوا يجروا علشان كده انا اتفعصت واداس عليه من الناس اللى كانت بتجرى مش من الأمن يعنى ما كنش فى اى تحرشات ولا من الأمن ولا من غير الأمن، كل اللى حصل إن كان فى تدافع من الناس زى ما بيحصل فى المترو كده والدنيا تكون زاحمة جدا وناس طالعة وناس نازلة فى نفس الوقت ولو خذى بالك من أول تعليق أنا قلت ما كنش قصدهم كان نتيجة التدافع لأن العدد كان كبير

يعنى أنا ما كنتش قاصدة إنى ازنق نفسى، ثانيا انا ما قلتش إن فى تحرشات خالص لأن ده ما حصلش أصلا، ثالثا أنا مش لابسة مدرعات وبهاجمك أنا كنت عاوزة اوضح إن ما كنش فى بنات فى المظاهرة وإن وجودى فى وسط المظاهرة ما كنش مقصود، صحيح كان عندى فضول إنى اتفرج عليهم بس ما كنتش قاصدة إنى أدخل فى وسطيهم

مدونة يلا نفضحهم said...

الحرية للمدون الدكتور ابراهيم الزعفرانى
وقع على وثيقة الالف مدون للافراج عن الطبيب المدون
www.dahayaa.com

احمد الجيزاوى said...

انا معاكى فعلا يا شيماء المكان والمعاد كان متفق عليه سرا داخل جماعه الاخوان وطريقه التجميع كانت سرا علشان الامن وكان مفرض انى المظاهرة تتوجه الى جامعه الدول العربيه بس الامن قمعه وحل ما حصل
اما ابى وهذا لتوضيح وفك الاشتباك كانت تقصد مظاهرات تنيه وليس انتى
احمد الجيزاوى

احمد الجيزاوى said...

الحريه الاستاذ والدكتور المعلم لنا ابراهيم الزعفرانى وانا متضامن واعلان انضمامى وتوقيعى معكم ان شاء الله
احمد الجيزاوى

جميز said...

فى الوقت اللى قوات الأمن المصرية بتقمع المتاظهرين من أجل غزة , و نجاح الإخوة فى فلسطين فى إقتحام معبر رفح , يطلع علينا الإعلام المصرى فى نادرة من نوادره ,و ينسب فتح المعبر لتوجيهات شيخ المنصر مبارك


عموماً تغطية أكثر من ممتازة يا أستاذ أحمد ... بارك الله فيك

أميرة محمد محمد محمد said...

ربنا يكرمك يا أخ أحمد
تغطيه ممتازه ولا أحسن صحفي

احمد الجيزاوى said...

جميز
اشكرك وفقط اسئلك الدعاء لاخوك
احمد الجيزاوى

احمد الجيزاوى said...

دكتور اميرة محمد محمد محمد
الف شكر زجزاكى الله خيرا
ونسئل الله الاخلاص فى القول والعمل

احنا الاخوان said...

ان فى مصر قضاه .. لايخشون الا الله

كان هذا هو عنوان اليوم امام المحكمة عندما سمعنا الحكم وهو اخلاء سبيل
شاهد الفيديوهات على مدونتى مدونة احنا الاخوان http://ikhwan2.maktoobblog.com/

Anonymous said...

معلم جيزاوى
والله واحشني موت أخبارك ايه .... المظاهرة باين عليها كبيرة فعلاً والظاهر أنه الأمن نام على نفسه شوية وصحي لقي كل الأعداد دي ... راح قابض زى المجنون على اكتر من 2000 والله يا جيزوى كان نفسي أحضر بس معارفتش إلا لما خلصت ...
معلش اتأخرت في الرد بس النت عندى مغلبني أوى
أخوك
حمادة زيدان

احنا الاخوان said...

كلمات من داخل السجون الى اخواننا فى غزو شاهد على مدونتى
.....................................................
مع تحيات مدونة احنا الاخوان http://ikhwan2.maktoobblog.com/

اسلام رفاعى said...

فعلا اد ايه الشارع محتاج الاخوان ينزلوا تان ىزى زمان
ربنا يكرمك على المجهود الرائع

احمد الجيزاوى said...

ان فى مصر قضاه .. لايخشون الا الله
فعلا ولكن فى مصر حكام لا يخشون غير امركيا
الهادى هو الله والحمد الله على سلامه الابطال
احمد الجيزاوى

احمد الجيزاوى said...

حمادة زيدان
فعلا المظاهرة كبيرة بس كانت محتاجه صعيدة بردة
ربنا يطمنا عليك
احمد الجيزاوى

احمد الجيزاوى said...

اسلام
منور فينك يا راجل
فعلا الشارع تقول كانه وحشه الاخوان كان بيخدهم بحضن
والامن برضه بس حضن عن حضن يفرق
ههههههههههههههههههه
ابقه اسئل متقطعش كدة يا اسلام
احمد الجيزاوى