موتمر 6 لبريل واعلات قيام الحركه

تم امس عقد الموتمر التاسيسى لجروب شباب الفيس بوك (6 ابريل )والتى اصبح اسمه الان حركه 6 ابريل وبصراحه كان روح حلوة وجو وطنى رائع وفكرونى بذكريات شباب من اجل التغير والموتمر جه كل الناس وحضر قيادات كبيرة وايضا شباب كتير وهذا هو المهم وايضا كان التنظيم الموتمر رائع ولكن المشكله هى انى بعد العرض الفلم التعريفى بحركه بداء كلمات وراء كلمات فاصاب الناس بفتور وبدئه يخرجه من القاعدة وبداء الكلام والصوت العالى فى خارج القاعدة ولكن الموتمر امس بكل المقيس كان ناجح جدا مبروك لمصر عليه ميلاد حركه 6 ابريل الان

التغطيه بصور

استاذ محمد عبد القدوس

جانب من الفلم التسجيلى التعريفى بحركه جانب من المتحدثين من الشباب الذى حضر كلمه احمد ماهر افراد لجنه النظام وهمه منكين فى تنظيم الموتمر تحيه لضياء الصاوى الذى اضار الموتمر بمتياز الحضور كلمه الافتاحيه

مشيرة محمد احمد ماهر محمود الششتاوى مع تحياتى

احمد الجيزاوى

بوست الشاقه وبياضه وحفل تكريم معتقلى اضراب 6 ابريل

وحشتينى يا مدونتى اوى اوى اوى

وبرضه بحب شاهندة مراتى اكتر صراحه وطبعا انتو عرفين انى بجهز شقتى علشان كدة مشغول على الاخر فى بيضا وشراء العفش

وعلشان كدة انا مشغول عن المدونه شويه ومن على النت فلو فى حاجه كلمونى بلغونى بيه على الموبيل او ابعتولى رساله موبيل

وسمحونى معلش بقه وطبعا انتو مش عوزين توصيه اى يعرف حد عندى ادوات كهربه او عفش واسعارة حلوة يقولى او عوز يجى يساعدنى فى بياض الشقه اهلا بيكم علشان اخوكم محتاس على الاخر والاسعار نار يا حبيبى نار

حببتى شاهندة بحبك اوى لا تعليق

جانب من جرادل البياض اى جبته علشان الشقه

وطبعا الشقه على المحارة يعنى عوزة مونه تكفى لبناء الهرم الاكبر لكن على مين لمه جبت اخوكم المدون الزينبى (مدحت شاكر )علشان يبيض الشقه لانه نقاش لقين انى بسبب غلاء الحديد بتاع احمد عز هخش فى مبلغ فقرت انى ابيض انا الشقه

وانا له انا له

على فكرة القعدة فى كوسته احسن بكتير من القاعدة فى قهوة البورصه ولكن طبعا مجبر على البورصه علشان الميزانه

___________________________________________________

رغم انه متخرة شويه حفل تكريم معتقلى اضراب 6 ابريل كان فى نقابه الصحفين وكان رائع فعلا كان ملحمه بجد

بجد واشكر الاستاذ محمد عبد القدوس على دعوته الكريمه ليه انا ومراتى

حبيبى الشاعر الشيخ امين

طبعا استاذنا الشيخ عبد الله السماوى كان على رائس المكرمين

جانب من الحفل التكريم

جانب من المكرمين والحضور

صورة مع مهندس الاضراب 6 ابريل الدكتور مجدى قرقر والاستاذة ندى القصاص مع تحياتى

واعتذر عن الغياب فى الفترة الماضيه وانتظرة العودة بقوة ان شاء الله

احمد الجيزاوى

قربان الحب

لانك اغلى ما املك لانك اكثر ما احب لانك عمر ولانك الحياة ولانك ملكتى اهديكى يا مولاتى قربان الطاعه والحب والولاء واظهر لسموك ولائى التام لمملكه حبك التى عاصمتها قلبى وضواحيها هذا الجسد الذى تعبثين به كما تشائين يا مولاتى اعلن على الملأ انى احبك احبك احبــــــــــــــــــــــــــــــــــــــــــــــــــــــــــــــــــــــــــــــــــــــــك الى اخر العمريا ملكتى هذا البنر سوف ارفعه الى اخر العمر تعبيرا عن حبى واخلاصى فهل تقبليه من البحار الفرعونى الصغير الذى يبحر فى بحور حبك السبعة امضاء العاشق احمد الجيزاوى

يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا ..

بسم الله الرحمن الرحيم

بدون مقدمات طبعا كل الناس عارفة انى كنت فى اجازة من يومين علشان الحمد الله ربنا كرمنى وكتبت كتابى على حبيب قلبى شاهندة والان مشغول بالشقه وتجهيزها علشان الليله الكبيرة فى شهر 7 ان شاء الله تمام وطبعا انا مشغول اوى ومش فاضى اجلس على النت كتير حلو

لمه رحت قهوة البورصه يوم الخميس علشان كان فى قعدة للمدونين يبركولى اكتشفت ان فى ناس بتتصيد الاخطاء وكان دى الف مبروك بتاعتهم الله يبارك فيكم على العموم

طيب ايه المشكله المشكله هى انى انا كنت عملت حوار صحفى مع جريدة الوسط الكويتيه منذ حوالى 4 اشهر حلو

واتكلمت فيه عن التدوين حلو وقلت

ولكن هناك من يحرف الكلام عن موضعه ليه انا قلت انى التدوين فى الاقليم يخرج الرغبات المكبوته داخل المجتمع ولكن هناك من حرف الكلام وقال غير الحقيقه وقال كذبا على لسانى ان التدوين يظهر الكبت داخل البنات وليس المجتمع وطبعا هناك فرق كبير جدا وطبعا اخذت المدونه ابى الاستطراد والنقد على هذا وتقول وتهاجم وتقول انى اتحدث عن رغبات مكبوته داخل البنات ولكن الحقيقه هى انى قلت انه تخرج الكبت داخل المجتمع وهناك فرق كبير

اخيرا رساله الى الاخت المدونه ابى اعتقد ان هذا الخطا الذى ارتكبتيه هو غير مقصود لانه طبعا هتكون هناك كارثه ان كنتى قصداه لانك هتكونى انتى وجريدة روزاليوسف واحد وانا اعتقد انك غير ذلك

تحياتى

احمد الجيزاوى

النهاردة فرحى يا جدعان

الله اكبر لله الحمد تم بحمد الله يوم 11 -5 - 2008 كتب كتاب العبد الفقير لله على ملكة قلبى انا المدونه شاهندة فتحى والحمد لله والله واكبر وزغروطه يا حبايب والعوازل يمتنعون ودعوة عامه الى كل جموع الشعب المصرى و العربى والاسلامى والعالم كله لحضور حفل زفافى فى شهر 7 القادم ومحدش يزعل انى معزمتهوش علشان انا اصلا معزمتش حد ولكن كل الناس معزومه قى الليله الكبيرة فى شهر 7 ان شاء الله امضاء العريس

مع تحياتى احمد الجيزاوى

تغطيه اضراب 4 مايو قبل يوم من الاضراب مايو عرض معتقالقى اضراب ابريل على النيابه

التحديث الاخير لهذا البوست

قرار المحامى العام محمد قنديل اليوم 5 / 5 / 2008 بالافراج عن جميع معتقلى اضراب 6 ابريل فى القاهرة بضمان محل الاقامه

شاهدو فيديو فرحه الاهالى بقرار المحامى العام الف مبروك

************************************************

تغطيه اضراب 4 مايو

كما كان متفق البقاء فى البيت ورفع العالم فى البلكونه ولم يتفق على مظاهرة المشكله فى تغطيه اضراب 4 مايو هو ان الدعوة هى البقاء فى البيت ولهذا يصعب رصدة حيث انه ليست مظاهرة يتم تغطيته او مثل اضراب 6 ابريل كان هناك مظاهرة فى جامعه القاهرة وتحرير والمحله غيرة فى 4 مايو كانت الدعوة البقاء فى البيت لهذا يصعب متابعته او رصد الاضراب ولكن كل ما عرفه هو ان الامن المركزى كان منتشر فى التحرير والاسعاف والمحله ولكن لم يحدث اى مظاهرة لدرجه انى انا اشك فى نجاح او فشل الاضراب ولكن تم تعطيل توزيع جريدة الدستور وموقع اخوان اولاين وموقع جريدة الشعب وايضا وانا ملتزم بالبقاء فى البيت وبدعوة البقاء فى البيت جالى اتصال هاتفى على محمول اكثر من مرة من اكثر من شخص واخبرنى انى فى مظاهرة فى نقابه المحامين طيب بصراحه انتو بتهزرة يعنى الدعوة كانت البقاء فى البيت وبعدين يطلع تيار يعمل مظاهرة لوحدة فى نقابه وبدون دعوة وتكون مظاهرة من اجل الاضراب يعنى كانه بيسرق الاضراب لصلحه يعنى لوانى المظاهرة فى نقابه المحامين دعوة كل التيارات السياسيه كانت هتفرق بدل ما الانانيه والرغبه فى سرقه الحدث والركوب عليه جعل المظاهرة ضعيفه وفاشله وايضا جعل شكل الاضراب كله فاشل واصلا كانت الدعوة هى البقاء فى البيت وليس نزول الشارع عيب والله انا شكيت فى المظاهرة دة انه معموله مخصوصه بمعرفه الامن على شان يطلع شكل الاضراب ضعيف وهزيل كما ظهر مظهر المظاهرة لدرجه ان كل وسائل الاعلام لم تغطى المظاهرة النقابه المحامين لضعفه وشكله العار عموما محدش يستنه منى تغطيه بجد انا معنديش تغطيه ولا تقيم كمان تحاتى لكم _____________________________________________________________

قبل ما نعرض تغطيه اليوم ملحوظه صغيرة جدا العمال هما اللى كانوا وقود الاضراب فى 6 ابريل وايضا هما اللى طالبوا بتحسين ظروفهم فيقوم الرئيس مبارك زى مابتقول الاهرام وخيلنا وراء الاهرام الى باب الدار يقوم فى عيد العمال باعطاء زيادة 30 % الى الموظفين ايوة الموظفين خدوا زيادة 30% فى عيد العمال فياخسارة الموظفين معندهمش عيد علشان العمال يخدوا زيادة فيه زى الموظفين عموما من ناحيتى الف شكر لان اغلب اهلى من الموظفين وليس العمال ولكن بس يا رب الحكومه تعرف تسد فعلا وتدى الزيادة دة من غير ماتزود الاسعار لا تبقه بدل متكحلها عمتها الان مع تغطيه اولا الفيديو

اهالى المعتقالين وتحرش الامن بيهم جانب من المظاهرة

احد المعتقالين يكسر الطوق الامنى

صور

بجد صورة رائعه بنت عندها 4 سنوات ولكن بميت واحد من الناس الجبانه وخافت تيجى واكيد عارفين نفسهم الصورة اهداء من دكتور نجلاء استاذ حسن كريم رئيس هيئه الدفاع عن معتقلى اضراب 6 ابريل يتحدث الى العربيه عن ابعاد القضيه جانب من اهالى المعتقلين فتحى فريد طول عمرى بقول عليه جن طلع من فوق غرفه حبس المعتقلين لحين عرضهم على النيابه وكسر الحصار الامنى اى معمول عليهم وكان حوار بس تحيه ليه ولكل المعتقلين تحيه تانيه بس كوسه النوبادى وطبعا احلة كوسه كمان تحيه اولا الى مهندسه مديحه قرقر بنت دكتور مجدى قرقر المفرج عنه فى احداث اعتقلات 6 ابريل وايضا تحيه الى خطيبتى شاهندة ومدونه بجد كانوا فى اليوم دة بميت راجل انا كنت مبهور بيهم وبالتحديد لخطيبتى شاهندة الطبيبه الدلوعه اللى ملهاش فى السياسه فى اليوم دة كانت بصراحه واحدة تانية او انا اكتشفت فيها واحدة تانيه اكتشفت شاهندة المناضله وربنا يستر عليه تزعق فى الامن المركزى وبتحوش الاهالى عن الامن وبتنظم الاهالى ومردتش تمشى هى او مديحه لا بعد سماع قرار النيابه مع انى فى اهالى كتير ومحامين مشيوا ومستنوش قرار النيابه وطلبوا من زمايلهم انهم يبلغوهم القرار فتحيه الى مهندسه مديحه وتحيه الى حبيب العمر شاهندة قرار النيابه قرار سياسى من الدرجه الاولى لانه اجل قرار فى القضيه الى 5 / 5 /2008 والحدق يفهم اجله الى بعد اضراب 4مايوم تحياتى الان كشف بجميع اسماء المعتقلين فى اضراب 6 ابريل موجودة فى مركز هشام مبارك 1 سوق التوفقيه اللى عاوز يعرف المزيد مع تحياتى احمد الجيزاوى

محافظه الجيزة بلا عيد قومى بسبب التقسيم الادارى الاخير

انا طول عمرى بفتخر انى من محافظه الجيزة وبحب كل شبر فى المحافظه طيب حلو اوى

ولكن بعد التعديل الاخير وانهم سحبوا محافظه 6 اكتوبر من تحت محافظه الجيزة ظهر مشكله تانيه عندى

وكأن الحكومه قاصدة تغيظنى عموما الله يسامحك يا حكومه

الحكايه هى العيد القومى لمحافظة الجيزة يوم 31 مارس طيب ليه 31 مارس؟لان قرية الشوبك التابعة لمحافظة الجيزة قامت بعمل بطولى كسرت عظام الانجليز فى المحافظه و قطعت خطوط السكة الحديد و كان ذلك يوم 31 مارس ماشى حلو حلو ولكن بعد التقسيم الادارى الحمصى الحلوانى (لانى اللى بنا مصر كان فى الاصل حلوانى) الاخير اصبحت قرية الشوبك تابعة لمحافظة 6 اكتوبر يعنى مفيش عيد صح؟ يا خبر اسود

ايوة مفيش عيد قومى لمحافظه خلاص بح كان فى وخلص

عموما انا بقترح انهم يعمله يوم 11 / 5 عيد قومى للمحافظه بمناسبه عيد ميلادى المجيد الشديد الحديد ....الخ

ومع تحياتى

احمد الجيزاوى

============================================

نصيحه فى الله يا ناس يللى هتعمل اضراب 4 مايو

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

انشر هنا اليوم احد ادبيات السجون فى اضراب 6 اربريل

وهى رسالة الى اخويا ضياء الصاوى

الرساله الاولى

رسالة إلى صديقي المعتقل في إضراب 6 ابريل ضياء الصاوي صديقي وآخى في الله تحيه طيبه وبعد

أرسل اليك هذه الرسالة وانا اعلم انك لن تقرأها الآن ولكن اسأل الله إن تقرأها قريبا وأنت حر

أرسل لك هذه الرسالة وانا اعلم أن بينك وبيني أسوار وحراس وقيود لظلم ليس له أخر

أرسل لك هذه الرسالة وانأ اعلم إن لكل ليل نهار ولكل ظالم نهاية وسوف ياتى يوم ويكسر القيد

أرسل لك هذه الرسالة وأنت في المعتقل لكي أخبرك أنى اعلم وان كل شباب الشرفاء يعلمون انك حر رغم القيود وانك أنت القوى وهم الضعفاء

أرسل لك هذه الرسالة وهى تحمل كل معاني الامتنان والحب والإخلاص منى ومن كل شاب شريف تدفع عنه ضريبة الوطن وأنت خلف القضبان أرسل لك تحيه وشكر من ارض مصر الطيبة ومن نيل مصر الساحر شكر لأنك من دافع عن شرف هذا الوطن وأنت الآن تدفع ضريبة حب مصر تدفعها عنا وعنك و عن كل شريف في مصر

انقل لك مشاعر إخوانك كلهم يدعون لك كلهم ينتظرونك قريبا وأنت حر لكي ندون سويا قصص جديدة في حب مصر ولكن الآن أهنئك بملحمة النصر التي تسجلها الآن أنت وأخوانك في سجن المرج بحق ملحمة في حب مصر من اجل مصر سجنوكم في سجن المرج ولكن انتم علمتموهم إنكم أحرار رغم القيود صديقي واخى ضياء الصاوي ارجو إن تنقل تحياتي لكل الإبطال إخوانك في معتقل المرج انقل لهم تحيه خالصة من شعب مصر ودعاء الصالحين لهم بان يعودوا قريبا إن شاء الله وانقل شكر خاص إلى الأب الحنون دكتور مجدي قرقر لأنه علمني معنى الحرية وهو في القيد علمنا معنى الثورة في وجه الظلم وهو في السجن تحيه خاصة له ارجو إن تصل اليه وفى النهاية انتظرك إن شاء الله قريبنا وأنت حر لنسجل من جديد قصص في حب مصر إمضاء أخوك في الله احمد الجيزاوي

*****************************************************

الرساله الثانيه

صديقى واخى العزيز ضياء الصاوى اليوم اكتب لك بعد قرار قاضى الاستناف بتجديد الحبس لك 15 يوم

اكتب لك اليوم وانا اراك فى المحكمه منعنى عنك الف الجنود والمتاريس والقيود

منعنى عنك ضباط الظلام ضباط امن الدوله كنت اريد ان احتضنك تحيه وشكر عنى وعن كل شباب مصر وكنت اود ان اسألك ان تعلمنا كيف انت صامد وسط القيود كيف انت الاقوى وهم بسلاحهم وقواتهم وحشودهم الاضعف اسألك ان تعلمنا معنى شرف الوطن وكيف ندافع عنه كنت ذاهب اليوم اليك فى المحكمه كى اشد من ازرك ففعلتها انت كنت ذاهب اليوم لكى اكون بجوارك فكنت انت بابتسامتك القويه والصافيه من يساندنى ويكون مصدر القوة لكل الشرفاء فى مصر ادعو الله ان تعود قريبا الى بيتك واصحابك واهلك ادعو الله ان يكون هناك قاضى عادل يعلم ان تهمتك هى حب مصر لانى ذهبت لك فى المعتقل المرج مرارا وتكرارا ولكن منعونى عنك لهذا ارجو ان اراك يوم 3/5/2008 القادم فى المحكمه واسأل الله ان يكون يوم النصر والفرج من عند الله انه على ذلك قدير امضاء اخوك احمد الجيزاوى

______________________________

مع تحياتى

احمد الجيزاوى