Thursday, January 31, 2008

تعليق على ما كتبه وائل عباس وتاج وساله الى صديقه العمر (شويت حجات مش مهمه لو عندك حاجه مهمه تنيه اعمل واشترى وقتك )لو فاضى خش اقراء

هذا الجزاء من البوست هو تعليق على ما نشر عند وائل عباس فى مدونه الوعى المصرى
سؤال محيرانى جدا
العساكر دول مسكين عصيان يعنى واضح أنهم قوات مكافحه الشغب طيب هو الحدود بيكون فيه قوات مكافحه شغب
وله بيكون فيه شرطه مسلحه ؟

يبقه السؤال المفروض ألان لماذا لم يدفع بجنود مسلحين على الحدود ؟

دة في قلب القاهرة العساكر الشغب يبقه معاهم بنادق خرطوش وكل الضباط شيلين سلاح الميرى طيب له مش على
الحدود في عساكر مسلحه ؟

سؤال الى وزارة الدفاع و الرئيس مبارك ؟!!!



ثانيا قد يكون التصرف فردى او من مجموعه من المهربين وخصوص ان هناك ضابط قتله قبل ذلك من مجموعه من المهربين كأنه بهربه أفارقه إلى إسرائيل .

برصه متحكمش انه من حماس هو أنت شفت بطايق الناس اى ضربت النار؟ وله الأخ مكشوف عنه الحجاب ؟
أو صبرت لمه يظهر نتيجة التحقيق وتعرف التقرير الرسمي هيقول مين عمل كده وبعدين تنتقد
ولا التسرع في دمك وسرعه الحكم في دمك وبعدين يطلع الحقيقة غير كده خلاص

كمان انا اعرفك كويس بصراحة أنت شاب مؤادب ومحترم طيب له الشتيمه يا عم انتقض حماس وطلع فيه القطط الفطسانه ماشى بس من غير قله أدب عشان حتى زوارك يحترموك بلاش تطلع نفسك سافل وقليل الادب فى كلامك
وخصونا انك قلت لو لقيته شتايم هتبقه إخوان طيب منت شتمت تبقه أنت إخوان يا وائل ؟؟؟؟؟

وطبعا يا وائل وأنت أحسن من يعلم انه هناك موقف رسمي وموقف فردى فمن الممكن نحتسب حماس على هذا التصرف لو كان رسمي ولكن لو فردى نحاسب الإفراد وأنفسنا
أيضا أحب أوضح أنى وقت مظاهرة النساء لفتح المعبر كانت شرطه حماس تمنع المظاهرة مثل الشرطة المصريه بظبط
فشتمنك لحماس مكل هاش لزمه خلص كان ممكن تقول إحداث على الحدود وتطرق لنا الحكم لأنك بتقول انك بتنقل بحياديه وفى العنوان حكمت على حماس كحركة بجنحه العسكري والسياسي
صور من عند وائل عباس الوعى المصرى
صور من عند وائل عباس الوعى المصرى
صور من عند وائل عباس الوعى المصرى
صور من عند وائل عباس الوعى المصرى
ولى اسأله
ماذا لو كأنه مجموعه من المهربين ؟
ماذا لو كان تصرف فردى من أشخاص غير مسئوله ؟
ماذا لو كانت هذا الصور لمنظفه بعيدة عن غزة وخصوصا إن الصور توضح لمنطقه خضراء وأنت رحت وانأ رحت غزة وشفت أنى الحدود صحراويه مع غزة ؟
ماذا لو كان تصرف من إفراد لحماس واعتذرت حماس ؟
ماذا لو سلمت حماس من فعل هذا إلى مصر ؟
أخيرا رأيك على احترامه إما سبك وشتمتك إنا أسف إنا لن احترمه نصيحة أنت شخص كويس بلاش تطلع نفسك في صورة وحشه غير حقيقتك وتشتم انتقد حماس وقول عليهم حتى أنهم خونه وعمله لإسرائيل وأمريكا إما تنعتهم بصفات وتصب وتشتم بلاش أحسن لانى المصرين شعب مؤدب وأنت تكتب لشعب المصري المحترم فخليك زى شعب مصر محترم
طبعا أنت عرف إنا مش إخوان إنا حزب عمل لا تقول أنى إخوان يرضه
صحيح إيه علاقة بين الإخوان مصر وحركه حماس
إيوة رغم أنهم مرجعيه واحدة أخوانيه لا أنى حماس منهج اخوانى مسلح وتابعه لهنيه لا تتبع باى صورة لإخوان مصر له حشرت إخوان مصر في الموضوع أنت بتن تقد حركه حماس في غزة تحشر إخوان مصر له ؟؟
محمد عادل صاحب مدونه ميت طلعت دماغه نضيفه جدا وعمل لموضوع تحليل ممتاز فعلا
قال انى ملابس كان ملابس القوة التنفذيه وليس ملابس حماس بدليل والحجه
وبصراحه عمل عرض ممتاز مش هعرف اقوله الافضل زورة مدونته وشوفه التحليل الرائع
والله كبرت يا محمد وشفتك بتفهم بدماغك الميته دة يا ميت فعلا اثبت انك دماغ ميت نظيفه

***********************************************************************
تاج من الفارسه ضى القمر
قطرة الندى
/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\
دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟


السيف والشعارى الاسلام هو الحل او اصلاح شامل من منظور اسلامى

كنت تفضل الدخول مستقل او تتبع حزب معين ؟؟؟؟


انا طبعا هخش ممثل اتيار الاسلامى اخوان او حزب العمل الاسلامى


اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟


له هو انا اهبل ؟!!! مش هقدر ولله الدكتور منعنى اصلى بهرش من الحزب الوطنى عندى حساسيه منه


اول حاجه هتعملها لنفسك ولاسرتك ؟؟؟؟؟


هعزم نفسى على اكله فنبله حلويات من الكرنك فى السيدة وبعدين هنزل اتعشه سمين و وكوارع من بحه
لاسرتى اتمنزر على الحج الجيزاوى الكبير واقع اقوله اوة انا مفشلتش واغيظ فيه بحصانه وحصونا ان الحج الجيزاوى الكبير كان عضو مجلس شعب قديم وعرف يعنى ايه حصانه
.

ايه المشروع اللى ناوى تعمله لاهل دايرتك ؟؟؟؟ دون ذكر اسم الدائره


هدم واغلاق وولع و احرق مكتب امن الدوله اى عندى فى الدائرة

هعمل قافله طبيه
وهرمم المدارس
وهعمل مقرائه فى كل جامع
وهحاول اشوف شغل لصيع اى زى حالتى وعوطليه

قعدت فى المجلس جنب نائب مميز . من هو النائب ؟؟؟


الاول همه اطوله يقعدة جنبى شوفه مين انا هرضه اقعدة جنبى لكن عموما اى حد من كتله الاخوان علشان مش نقصه قرف الوطنى واعضائه وله غباء الناصرين وله تخلف الوفد وله هبل الغد وله عبط باقى الاعضاء
قدمت سؤال للحكومه ايه هو السؤال ؟؟؟؟؟


السؤال الى نظيف اقوله بامارة ايه انك نظيف ونظافه دة من اريل وله برسيل
وعموما محدش بيعرف يسئل فى مصر الحكومه

طلب احاطه موضوعه ايه ؟؟؟ وبتقدمه لمين ؟؟؟؟


اسئل بس عن خطه الاقتصاديه اى مصر مشيه بيه اعرف بس هى 4 :4 :2 وله البيضة وال فرخه وله امك فى العشه وله طارت على سويسرا

استجواب لاتنين من الوزراء موضوعه ايه ؟؟؟؟وبتستجوب مين


وزير الزراعه والرى عن التخلف الذى اصاب مصر فى الزراعه وتراجع الوى حدث فى الرى فى مصر
ووزير التضامن الاجتماعى عن العيش الابيض والعيش اى بيتهرب برةم الافران ويتباع فى السوق السودة
انت مع الخصخصه ؟؟؟؟؟؟

انا مع الخصخصه بس يعرفه يطبقه الاول وبعدين نسئل معه وله لا لانى الى بتحصل فى مصر دة خس وفجل وجرجير من خصخصه



هل انت مع قطع العلاقه مع اسرائيل ؟؟؟؟؟


ايوة طبعا لسبب واحد عوز انشط سوق الامواس الحلاقه والمقصات
وما يترتب عليه من معامله العدو هل تؤيد الحرب على العراق ؟؟؟؟؟؟؟؟


ايوة انا مع الحرب على العراق لانى حطط امل كبير فى المقاومه العراقيه تخلص على امريكا ونخصل ونستريح وتكون العراق فتنام تنيه واه خلصوهم من صدام وجبلهم بوش بداله بس بوش عضمه طرى مش هيعرف يمسكه زى صدام والمقاومه هتربيله الهسهس وانا سمع من مصادر موثوقه منه فى البيت الابيض انى بوش بيصحه كل يوم بليل مفزوع وعلى لسانه كلمه واحدة مقاومه مقاومه ابعدة عنى وهو المطلوب اثباته
هل تؤيد مرور الامريكان فى القناه ؟؟؟؟؟؟


بشرط امريكا تهدد الفيفا بضب بصوايح لو مصر مدخلتش كاس العالم غير كدة انا غير موافق على المرور


هل انت مشترك فى مؤامره كسر فرنسا هانم بالاشتراك مع ام دبوه ؟؟؟؟؟؟؟؟

انا اقدر الواحد يتامر على امن الدوله وميتامرش على خلتى الاستاذة فرنسا هانم

بتمرر التاج ده لمين ؟؟؟؟؟؟

المشكله انى التاج دة ناس كتير اعرفهم جوبه عليه

عموما

نوارة نجم

وائل عباس

امام الجيل

انا كدة

اسماء العريان

منعم (انا اخوان
)
نوشه انا مش معاهم بماسبه العلقه لى خدة من الامن المركزى فى التحرير

شيماء المهدى بحبك يا مصر

عمر الشرقاوى

عادل نجم

مواطن حقوقى

البسطجى

فى الصميم محمد حبيب قلبى

شهرزوة

ابن اسكندريه

عصفور المدينه

مهندس مصرى

ايناس فكر سجين

مواطن مطحون

صدى صوت ششتاوى المدون المتمرد

لا تصالح حبيبى كريم

ابن ناصر

انه اسطير الخريف

بحب الحريه

صناعه الحريه

مريم تخريف المعادى

مها سكوت هنصوت

حجات ملخبطه جوايه

خالو احمد الصباغ

شقاوة شعب

شويت افكار

عصفور من الشرق

فكك منى

كلام عيال

لسانى هو قلمى

لا والف لا

لسه عايش

ما بدا لى

ابو مفراح اخى الذى سوف ادخل بهى الجنه ان شاء الله

شاعر اخوان اشتشهادى المدونين احمد دومه

ومحمد مدونه شاعر

كلام مشكل

مينا حبيبى مراقب مصرى

ممنوع شوقى فليسوف المدونين

قصه صنم الشهيد الحى

فاتح الجعفرى

فاتح اليعقوبى

ويا رب ثبات على الطريق

وكل من عوز يرد على التاج دة


0000000000000000000000000000000000000000000000000000000000
رساله الى سندريلا
أنها فكرة شيطنة الصبيانية التي تغريني أن أعتنق أفكارها بين وقت وأخر.
هكذا فجأة قررت أن أركب سفينة الكتابات ،أن أجمع كل النغمات وأزرعها في أرض الرسالات ،أن اركب أرجوحة فكري أن ألقي تلك الخصلات.هكذا فجأة فقدت القدرة على الكلام وحسبت أنها مجرد أوهام في ضروب العمر فجأة جاء الفارس الذي حسبت انه مات أخرجني من تلك الحفر أيقظ في دماغي أجمل الفكر ...هكذا فجأة كل شيء اكبر من كل شيء صار اكثر من كل شي بداخلي


رسالة إلى صديقة
عزيزتي سندريلا
دعيني أناديك بهذا الاسم ،فهو يقتصر سطور الكلام وينقلك لعالم نسجته من الأحلام ،فكنت غابته الخضراء وأميرته الغراء وبحاره الهائج و وضئ الذي أنار السماء ،كنت ساحرته ملهمة لقلوب الغرباء ودليلة إلى منزلة الشرفاء ...في سحرك الرائع أغرق، في وجهك الجميل ،في الجفون، بالخدود الذي لونتها أشجار الليمون ،برائحتك النرجسية ...انتى تحملين مشعل يقتل الحزن تنظرين إلى أحلام ابعد من النجوم ...نظراتك الساحرة تصيبني بالوجوم وكدت أغازل فيك روحك الحنون ولكن روحك اكبر من أن تقارن بأرواح البشر... فلنفسك راية تعلو ولا تهون...
يا سندريلا
،يا ملكيتي في عالم الأحلام يا صديقتي في عالم الأيام ،يافراشة أخرجت من شرنقة وغفت على ذراع شجر نفسي التي هوت في أغوار الزندقة أنقذي هذه النفس قبل أن تموت بشرنقة وتقف الأحلام على قبري تبكى

يا سندريلا

،يا حرة كسرت القيود الماضي تعودي لتأخذ زهرة تحولت لعود وتدب فيها بنفسك المعهود أرواح تستصرخ لا للقعود لا للقعود فغدا سيأتي يومك المعهود وفيه نحفظ البنود
يا سندريلا

،يا وردة نامت بين ضلوع كتابي وكونت بكلامها الجذاب نفسي التي تحولت لخراب ،رمت الهموم إلى لورا ودنت من حديقة الألعاب تلهو وتلعب بسكونها وتشير بطفولة إلى الأفعال من كان منها صواب..أيا طفلة حضنت فرحتها الإزهار واسقط أنفاسها الإمطار وحولت ذنوبها لدمار ...
يا سندريلا
يا نحلة الزهور ..يا رائحة العطور..يا علبة البخور ..يا أغنية الدهور...لازلت اسمع صوتك متهجدا بسحور..أتسمعين يا سندريلا صوتا لا تدركين من يكون صوت من الأعماق يصدر كالجنون ،هل ترين نظرات أصابها السهوم غافيت جفونها في الحزن والهموم ..أتشمين رائحة ذلك الوادي الملعون ..أتذوقين طعم الكأس الملئ بالسموم ...
أسألك باسم من أمره بين الكاف والنون أن وتنقذي نفسي من لعنات الدهور وتخفين تحت أحلامك وتقيني لعنات هذا الدهر المجنون أن تنفضي غبار تاريخي المليء بالشجون الذي لوثه عار الخطيئة وطبعته المعاصي
يا سندريلا

أقسمت أن أثور ما تلك إلا استراحة محارب سنخرج التاريخ من القبور سندون أمجادنا في السطور سوف نبطل هذا السحر المشئوم. أقبلي على، ذوبي تلك الشحوم جبري المفصل المكسور و اكسري قيدي الملعون واسندي جسدي فقواي كادت إن تخور ..انتفضي اصرخي..سأثور..سأثور... يا أجمل وردة في دربنا الملغوم يا أفضل نقطة في سجل إلغاء ذلك الوعد المزعوم .
يا سندريلا
يا صديقه العمر المحتوم
الحدق يفهم
مع تحياتى
احمد الجيزاوي

29 comments:

صانعة الحرية said...

ههههههههههه
غريب العنوان
هو انا مش فاضيه والله
بس معدتش هنا من كام يوم
المهم حلوه اوى اجابات التاج
وخاصه بتاع الحزب ضحكتنى وربنا يشفى حضرتك من الهرش هههههه
============
البوست طويل جدا جدا
==============
جزاكم الله خيرا على تمرير التاج

مهندس مصري said...

ايه نظام الـ 3 في 1 ده
أنا متفق مع كل كلمة قلتها لوائل
و التاج أنا مجاوبه قبل كده بس اجاباتك ظريفة :)
و أشوفك في المعرض بكره يا ريس

ابو مفراح said...

السلام عليكم
انتا تعرف اخى احمد المشكله مش فى السندريلا
المشكله عذرا فى الفظ الجزم بتوع السندريلا
تحياتى ابو مفراح

nonoymm said...

السندريلا دي بحبها اوي اوي
وهفضل احبها
لكن اللي عايشين جوها هم اللي 0000000
ربنا يهدي
اول تعليق لي في مدونتك وان شاء الله مش الاخير
اشكر الاستاذة فانتازيا بسبب مدونتها عرفت مدونتك
والله الواحد بيطمئن لما بيعرف ان فيه لسة شباب يفرح زيكوا
حضرتك من المدونات اللي اكيد هتعلم منها كتير اوي خصوصا عن الاخوان
رفع الله بكم راية الاسلام والمسلمين

mado80 said...

السلام عليكم
أول تعليق لي في مدونتك الشيقه ولن يكون الأخير بأذن الله

أتفق معك تماما فيما قلته لوائل عباس

وأرجو منه ألا يضخم الأمور فقد يكون من فعل ذلك بالجنود المصريين هم مجموعه من القله ،والحمد لله أن مصر تعاملت بهدوء مع هذه الحوادث حتي لا يتفاقم الأمر

وهناك بعض الصحفيين المصريين الذين استغلوا هذه الحوادث وجلسوا يشنفون أذاننا عن الأمن القومي المصري وأنا أتسأل أين هذا الأمن القومي المصري في دخول الأسرائيليين طابا بدون أي تأشيره لمده قد تصل لخمسه عشر يوما في اعتقادي كما يقول الأستاذ فهمي هويدي أن الفلسطينيين أولي بذلك وهم من ظل في الحصار الأسرائيلي لمده سته أشهر ينبغي أن نتحملهم الي أبعد مدي وأن نعزرهم فيما هم فيه ، هذا من واجبات مصر فهي قلب الأمه النابض

تحياتي لك أخي أحمد وألف تقدير لشخصك الكريم

appy said...

بقولك ايه خلينى اخر تعليق انت عارف رأى فى الاتنين اللى فى الاول ومش هقولهم التاج طبعا يعنى بتحلم بس معاك وبعدين انا ناويه اقوم الحج الجيزاوى عليك اما وائل فلا تعليق لانك عارف مصانع الحداد بينا ومينفعش مش خوف من حد ولكن احتراما لنفسى
السندريلا
بقى اكيد فاهمه وتعليقها هيكون فى وقت اخر
ههههههههههه كده انا كشفت الموضوع ما علينا برخم عليك مش اكتر بس مش كنت تحط صورة الفراشه ولا ايه يعنى او صورة السندريلا هو عموما يمشى لمصر وللفراشه ههههههههههههه

عصفور المدينة said...

إيه الحلاوة دي يا أحمد

وفقك الله يا عمو ربنا يحفظك
وانا مجاوب على التاج من فترة

ويارب نفرح بيك يا سيدي قريبا

احمد الجيزاوى said...

صانعه الحريه
اولا ربنا يكون فى عيونك فعلا انا سعيد جدا انه رغم انك منشغله شرفتينى بتعليقك
بجد عندى كبيرة جدا
وربنا يكرم
واسف فعلا على طول البوست بس حجات كتير جاد فى دماغى وكله جت فى وقت واحد فطلع البوست على كدة
تحياتى
احمد الجيزاوى

احمد الجيزاوى said...

مهندس مصرى
معلش كان بوست طويل شويه دة عشمى فيكم تستحمله دماغ اصله كان فيه حجات كتير جاد
عموما منور
مصر والقاهرة

احمد الجيزاوى said...

ابو مفراح
مشكله انى سندريلا
بتعتى متفرقش معه الجزم او غيرة لانه بنسبله قشور يهمه المضمون والمعنى وانا متاكد ان المعنى وصل يا سندريلا
احمد الجيزاوى

احمد الجيزاوى said...

nonoymm
سندريلا هى رمز لفكرة فى دماغى
لهدف فى احلامى
لقصه فى حياتى
لشخص تشابه مكله مع مشاكل مصر
لشخص ابح فرحته هى فرحه مصر وحزنه هو حزب مصر
السندريلا كان كل من حوله يظلمه وكل من حوله قبيح وهى الاجمل ببسطه وجماله
ومصر كل من فيه يظلمه وكل من حوله قبيح ولكن مصر هى الاجمل

لهذا عندما شهت السندريلا
شعر احساس انه حاله البسيط كانسانه مشابه لحال مصر كدوله
معرف يمكن اكون صح يمكن اكون غلط بس انا حسس انى مصر ممكن تشفه فى عيون السنديلا
احمد الجيزاوى

احمد الجيزاوى said...

mado80
نورت المدونه وانا سعيد جدا بيك وبمدونتك
واتمنه ان نكون على تواصل
وعندك ميل بتاعى ومحمولى فى المدونه
واشكرك لتفاقك معى فى موضوع وائل عباس
احمد الجيزاوى

احمد الجيزاوى said...

appy
طيب انا مش هكلمك فى موضوع وائل وتاج
اما موضوع الفراشه يا نصحه
دة موضوع كبير جدا
لانى انا شيف سندريلا مش شيف فراشه
بس احب اقولك حاجه مهمه جدا
انا بشوف مصر بفرحه وحزنه فى عيون البنت اى انا سمته سندريلا
والى انتى عرفه كويس
بشوف جمال مصر فى طيبه وحنيه السندريلا
بشوف غضب مصر فى ثورة السندريلا
بشوف مصر فى عيون السندريلا

احمد الجيزاوى

احمد الجيزاوى said...

عصفور المدينة
انا فعلا مبسوط انى شفت تعليقك
لانى مدونتى كانت شكله وحش من غير تعلقاتك الجميله فمتحرماش منه

ويارب فعلا انا نفسى تفرحه بيه بس القى العروسه وعلى طول هفرحكم بيه من غير نقاش

اتذكرى فقط بدعاء معك
بثبات والاخلاص فى القول والعمل
اخوك
احمد الجيزاوى

shams said...

جيزاوي
اولا بالنسبة لموضوع وائل انا مش هعلق علية عشان انا قلتلك رايي في وشك
اما اجاباتك على التاج فيها خفة دمك المعهودة
بس في سؤال مهم
مين هي سندريلا و بصراحة كدة

shams said...

واد يا احمد الناس فهمى ان سندريلا دي مصر
و انا مش حاسس بكدة
و على فكرة ليك تاج تاني عندي

احمد الجيزاوى said...

شمس يا زناتى انا هشيبك كدة زى منت محتار ومش هقولك مين السندريلا دة
بس احب اعرفك انى
بشوف جمال مصر فى طيبه وحنيه السندريلا
بشوف غضب مصر فى ثورة السندريلا
بشوف مصر فى عيون السندريلا

احمد الجيزاوى

Anonymous said...

يا رب

يا
رب
أكون انا
السندريلا

يا رب تعرف انى موجودة

احمد الجيزاوى said...

Anonymous
المجهول
اولا احب اوضح حجات كتير
1 انا بكرة الاسلوب الغير محترم دة فى الكلام
2 عيب اوى انى تكون واحدة بتعمل كلام الغبى المراهق دة
3 انا عندى حدود ووابط شرعيه فى المعامله مع البنات يا ريت تعرفه كدة
4 انا عندى اعتقاد انى من كتب التعليق دة ولد مش بنت لانى كل البنات اى اعرفهم محترمين ومعتقدش انى ممكن تكون واحدة تعمل الاسلوب الغير محترم دة فى الحوار
5 مع اعتقادى انى الى كتب التعليق دة ولد فدة عيب اوى ومش حظار ولا اخلاق ناس ملتزمه او حتى محترمه

واخيرا كلمه مهمه
لو بنت كتبه الكلام دة
فانا متشرفش انى اعرفه
ولا احس بوجدة
ولو ولد كتب الكلام دة فيريت يقطع علاقته بيه لانه دة مش هزار وكلام فارغ
مش تصرف رجاله

اما السندريلا
فهى بنت لا انا هحبه ولا انا هتجوزة ولا انا همشى معه ولا هقيم اى علاقه بنا نهائا
لسبب واحد انه مينفعش اصل

وهى بنت بسيطه فى الاصل طفه
ايوة طفه

عموما البوست القادم انتظرة صورته
احمد الجيزاوى

مدونة اخنا الاخوان said...

اللهم انصر اخواننا المسلمين فى كل مكان
....................................................
مع تحيات مدونة احنا الاخوان http://ikhwan2.maktoobblog.com/
شاهد ادراجى الجديد بعنوان " لكلا منا اوقاته التى لاتنسى

only spot said...

سلام عليكم
اولا بحيك على البوست لانه متنوع بس طويل اوى
اولا بالنسبه للفقره الاولى الى خاصه بوائل فاعتقد ان كلاكما يدافع عن الحق بطريقته
بالنسبه للتاج اجاباتك جابت من الاخر وبجد احيك عليها
سندريلا صدمتنى بجد لا مش عشان وحشه لا عشان بجد تحفه وجميله جدا واكتشفت انك موهوب بجد وهى حلوه اوى ويا رب نشوف مصر فى جمال ورقة وطيبه وحنان سندريلا ويجى الفارس الى يخلصها من الى هى فيه
تحياتى ليك

حسن محمد توفيق said...

بسم الله الرحمن الرحيم .............................

الاخوة الاعزاء الافاضل

................ تحذير ....
مدونتى سرقت واحذركم من استخدامها فيما يغضب الله او يسئ الى

ارجو الانتباة

http://elbayomy.maktoobblog.com

برجاء مساعدتى فانا لا اعرف كيف اتصرف سوى تحذيركم فقط

........ حسبى الله ونعم الوكيل ................

اخوكم

حسن توفيق

احمد الجيزاوى said...

احنا الاخوان
احب احى مدونه والمجهود الرائع اى عملته مع الاخوة المعتقلين ابا الاسكندريه
احمد الجيزاوى

احمد الجيزاوى said...

only spot
الله يكرمك انا بصراحه بحب اسمع رايك علشان انا بعتبر من الناس العاقلين
تحاتى
احمد الجيزاوى

احمد الجيزاوى said...

استاذ حسن توفيق
ربنا معاك وبصراحه انا مش عرف هساعد حضرتك الزاى بس هحاول ان شاء الله اسعدك
احمد الجيزاوى

Anonymous said...

comment22, [url=http://h2o.law.harvard.edu/user/profile.do?userID=14012]buy valium 10mg[/url], ;), http://h2o.law.harvard.edu/user/profile.do?userID=14012 buy valium 10mg, %[[, [url=http://www.ziggs.com/apps/profile/Interests.aspx?uid=139855]order zolpidem online[/url], =-], http://www.ziggs.com/apps/profile/Interests.aspx?uid=139855 buy zolpidem, :-), [url=http://www.ziggs.com/apps/profile/Interests.aspx?uid=139998]order cheap vicodin[/url], %[[, http://www.ziggs.com/apps/profile/Interests.aspx?uid=139998 order cheap vicodin, %-(, [url=http://h2o.law.harvard.edu/user/profile.do?userID=14011]cheap alprazolam[/url], ;), http://h2o.law.harvard.edu/user/profile.do?userID=14011 cheap alprazolam, ;-), [url=http://www.chop.edu/forum/user/profile/12410.page]order zolpidem without prescription[/url], %[[, http://www.chop.edu/forum/user/profile/12410.page zolpidem no prescription, ;-)

اخبار سيارات said...



thank you

اخبار السيارات

اخبار السيارات said...

thank you

اخبار السيارات

اخبار سيارات said...


thank you

اخبار السيارات