Saturday, April 26, 2008

محافظه الجيزة بلا عيد قومى بسبب التقسيم الادارى الاخير



انا طول عمرى بفتخر انى من محافظه الجيزة وبحب كل شبر فى المحافظه طيب حلو اوى


ولكن بعد التعديل الاخير وانهم سحبوا محافظه 6 اكتوبر من تحت محافظه الجيزة ظهر مشكله تانيه عندى


وكأن الحكومه قاصدة تغيظنى عموما الله يسامحك يا حكومه


الحكايه هى العيد القومى لمحافظة الجيزة يوم 31 مارس طيب ليه 31 مارس؟لان قرية الشوبك التابعة لمحافظة الجيزة قامت بعمل بطولى كسرت عظام الانجليز فى المحافظه و قطعت خطوط السكة الحديد و كان ذلك يوم 31 مارس ماشى حلو حلو ولكن بعد التقسيم الادارى الحمصى الحلوانى (لانى اللى بنا مصر كان فى الاصل حلوانى) الاخير اصبحت قرية الشوبك تابعة لمحافظة 6 اكتوبر يعنى مفيش عيد صح؟ يا خبر اسود


ايوة مفيش عيد قومى لمحافظه خلاص بح كان فى وخلص


عموما انا بقترح انهم يعمله يوم 11 / 5 عيد قومى للمحافظه بمناسبه عيد ميلادى المجيد الشديد الحديد ....الخ


ومع تحياتى

احمد الجيزاوى

============================================


نصيحه فى الله يا ناس يللى هتعمل اضراب 4 مايو







$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$




انشر هنا اليوم احد ادبيات السجون فى اضراب 6 اربريل


وهى رسالة الى اخويا ضياء الصاوى


الرساله الاولى



رسالة إلى صديقي المعتقل في إضراب 6 ابريل ضياء الصاوي

صديقي وآخى في الله تحيه طيبه وبعد
أرسل اليك هذه الرسالة وانا اعلم انك لن تقرأها الآن ولكن اسأل الله إن تقرأها قريبا وأنت حر
أرسل لك هذه الرسالة وانا اعلم أن بينك وبيني أسوار وحراس وقيود لظلم ليس له أخر
أرسل لك هذه الرسالة وانأ اعلم إن لكل ليل نهار ولكل ظالم نهاية وسوف ياتى يوم ويكسر القيد
أرسل لك هذه الرسالة وأنت في المعتقل لكي أخبرك أنى اعلم وان كل شباب الشرفاء يعلمون انك حر رغم القيود وانك أنت القوى وهم الضعفاء
أرسل لك هذه الرسالة وهى تحمل كل معاني الامتنان والحب والإخلاص منى ومن كل شاب شريف تدفع عنه ضريبة الوطن وأنت خلف القضبان
أرسل لك تحيه وشكر من ارض مصر الطيبة ومن نيل مصر الساحر شكر لأنك من دافع عن شرف هذا الوطن وأنت الآن تدفع ضريبة حب مصر تدفعها عنا وعنك و عن كل شريف في مصر
انقل لك مشاعر إخوانك كلهم يدعون لك كلهم ينتظرونك قريبا وأنت حر لكي ندون سويا قصص جديدة في حب مصر ولكن الآن أهنئك بملحمة النصر التي تسجلها الآن أنت وأخوانك في سجن المرج بحق ملحمة في حب مصر من اجل مصر سجنوكم في سجن المرج ولكن انتم علمتموهم إنكم أحرار رغم القيود صديقي واخى ضياء الصاوي ارجو إن تنقل تحياتي لكل الإبطال إخوانك في معتقل المرج انقل لهم تحيه خالصة من شعب مصر ودعاء الصالحين لهم بان يعودوا قريبا إن شاء الله وانقل شكر خاص إلى الأب الحنون دكتور مجدي قرقر لأنه علمني معنى الحرية وهو في القيد علمنا معنى الثورة في وجه الظلم وهو في السجن تحيه خاصة له ارجو إن تصل اليه
وفى النهاية انتظرك إن شاء الله قريبنا وأنت حر لنسجل من جديد قصص في حب مصر
إمضاء
أخوك في الله
احمد الجيزاوي




*****************************************************


الرساله الثانيه


صديقى واخى العزيز ضياء الصاوى
اليوم اكتب لك بعد قرار قاضى الاستناف بتجديد الحبس لك 15 يوم
اكتب لك اليوم وانا اراك فى المحكمه منعنى عنك الف الجنود والمتاريس والقيود
منعنى عنك ضباط الظلام ضباط امن الدوله
كنت اريد ان احتضنك تحيه وشكر عنى وعن كل شباب مصر
وكنت اود ان اسألك ان تعلمنا
كيف انت صامد وسط القيود
كيف انت الاقوى وهم بسلاحهم وقواتهم وحشودهم الاضعف
اسألك ان تعلمنا معنى شرف الوطن
وكيف ندافع عنه
كنت ذاهب اليوم اليك فى المحكمه كى اشد من ازرك ففعلتها انت
كنت ذاهب اليوم لكى اكون بجوارك فكنت انت بابتسامتك القويه والصافيه من يساندنى ويكون مصدر القوة لكل الشرفاء فى مصر
ادعو الله ان تعود قريبا الى بيتك واصحابك واهلك
ادعو الله ان يكون هناك قاضى عادل يعلم ان تهمتك هى حب مصر
لانى ذهبت لك فى المعتقل المرج مرارا وتكرارا ولكن منعونى عنك
لهذا ارجو ان اراك يوم 3/5/2008 القادم فى المحكمه واسأل الله ان يكون يوم النصر والفرج من عند الله انه على ذلك قدير
امضاء
اخوك احمد الجيزاوى

______________________________

مع تحياتى

احمد الجيزاوى

29 comments:

د/اجدع بنوته said...

وانا معاك ياريس

ده يبقى احلى عيد والله

بس فكرنى نخلى المحافظه تضرب يومها برده

ربنا يفك سجنه الصاوى

ويارب يعدى الاضراب الجاى ع خير

ولو انى اتنبا انه هيكون اقل وطأه بكتير م اللى فات

وهيمر مرور الكرام

هناء صابر said...

وأنا معاك يا أحمد ...بصراحة 11/5 مناسب ليا جدا ...
مع انى من اسكندرية ...
و أخشى ما أخشاه أن يقوموا بتقسيم الإسكندرية ...و يخلوا البحر محافظة و احنا محافظة تانية
سلامى لكل المعتقلين ...ربنا معاكى يا مصر

مدونة كل العرب said...

الحكومة شكلها حاطاك فى دماغها
يعنى من هنا لعشرين سنا لقدام هتلاقى حجات كتير هتغيظك
ههههههه
فية عيد للجيزة و لا لا المفروض ان دا ميزعلكش - مش هتفرق المهم ان التمبلت الكامل لمصر يتغير و يبقا لة عيد
عيد التحرير من الوطنى
ســــلام

محمد مارو said...

جيزااااااااااوى اخبارك يا مان وحشتنى اوى

المهم

يا جيزاوى مش الجيزه بس اللى من غير عيد قومى

كمان دمياط السنه دى مفيهاش عيد قومى

و ده بسبب الحكومه ببرده

و مصر كلها من غير عيد قومى

صدق بلال لما قال

مصر حزينه يا ريس

Ahmed Al-Sabbagh said...

على الحرام انا قربت اطلع من هدومى

وشكلى كدة قريب هتلاقينى بقول كلام ابيح فى المدونة

واساليب اعتراض

ويمكن تلاقى اميات احمد الصباغ

من كتر ام القرف اللى شايف

تقسم المحافظات ده قرار غير انسانى بالمرة

اتفووووووو على ده قرار

معلش يا جيزاوى سامحنى

مخنوق

"النجم القادم" said...

السلام عليكم

استاذنا الفاضل

هو فيه يوم احلى من اليوم ده

المفروض يبقى يوم عيد لمصر كلها

مش للجيزة بس

هو احنا عندنا كام احمد الجيزاوى

عاشــــــ النقاب ـقــــة"نونو" said...

وانا معاك في الاقتراح
ومعاك في النصيحة ابوس ايديهم
ربنا يفك سجن اواخونا يارب ويبرد قلوب اهاليهم
طبعا بقالك كتير ما بتدخلش مدونتي
مااااااااااااشي
دة عشان خطبت
طب تعالى قول لاسراء يوم ميلادسعيد طيب
هههههههههههههههههههههههههههه
تحياتي لك وللعروسة

سلوى said...

فعلا مسأله المحافظات دي لخبطت حاجات كتير

ان شاء الله رسايلك توصل لأصدقاءك

ويقرأوها وهما أحرار
باذن الله

دمتم جميعا بكل خير

simple girl.. ..simple dream said...

باحباااااااااك

dina seliman said...

هى جت على العيد القومى
انا بحس انهم بيشوفو اى حاجه بنحبها وبيحاولو يدمروها
وعجبى

مصر اللى مشفتهاش said...

هههههههه .. يعنى الناس عمالين يحضروا نفسهم للعيد يصحوا تانى يوم يلاقوهم فى محافظة تانية ..

اللى مش لاقى حاجة يعملها .. يشوف محافظة ويقسمها ..:d

Unknown said...

ازيك يا زميل علي فكرة البلوج جااامد جداً واحان واحد من مشتركي الإضراب وبحييك لأنك احسن مني بتنزل وبتابع وانا ياخويا مش عارف اصور حتي اي حاجة مع ان في في محافظتي مهاااااااااااااااااااااااااااااااااااااااااااااااااااااااازل
ولله مهازل
عموماً يا جيزاوي البلوج تمام وبحييك تاني
اخوك في الله
ديو

احمد الجيزاوى said...

د/اجدع بنوته
خلاص بما انك مؤيدة ليه بجعل تاريخ ميلادى هو العيد القومى لمحافظه خلاص اصدر قرار بجعلك نائب المحافظ
تحياتى
احمد الجيزاوى

احمد الجيزاوى said...

هناء صابر
همه ممكن يقسمه اسكندريه الى اسكندريه المصيف واسكندريه المشته
الف شكر على تايدك ليه فى جعل يوم ميلادى عيد قومى لماحفظتى عموما لمه تنورى الجيزة هبقه اشوفك
ههههههههههههههه
تحياتى ليكى
احمد الجيزاوى

احمد الجيزاوى said...

حـريــة الــفـكــر والابــداع
حكومه نظيف قصدانى انا عرف ارجل دة متعاز منى اكمن عندى مدونه وهو لا
ههههههههههههههه
تحاتى ليك
احمد الجيزاوى

احمد الجيزاوى said...

محمد مارو
مليش فيه انا عوز يوم ميلادى يكون عيد قومى انا ثورجى والله واطربق المحافظه على دمغهم مه حرين
هههههههههه
تحاتى ليك
احمد الجيزاوى

احمد الجيزاوى said...

احمد الصباغ
والله صعبان عليه نام باليل لا بيه ولا عليه وهو من القاهرة مواطن من مواطين العاصمه المحترمين صحى من النوم لقه نفسه اقليم عموما خط اقليم بتاع موبنيل نيفعك الان يا اقليم
على فكرة د فرصتك تجعل العيد القومى لمحافظه الحلوان عيد ميلادك بردة فرصك مضبعاه يله اثبت وجودك الان
ههههههههه
احمد الجيزاوى

احمد الجيزاوى said...

النجم القادم
يـــــــــا راجل يا بكاش
تحاتى ليك يا حبيبى
احمد الجيزاوى

احمد الجيزاوى said...

nonoymm
الله يكرمك وبجد انا اسف فعلا مقصر فى حقك
سامحينر رجائا
احمد الجيزاوى

احمد الجيزاوى said...

Salwa
امين يا رب
الف شكر ليك وتحاتى
احمد الجيزاوى

احمد الجيزاوى said...

simple girl.. ..simple dream
انا اكيد اكون كذاب لو قلتلك انى بحبك لانى انا فعلا لا احبك ولكن انا اعشقك
تحاتى
احمد الجيزاوى

احمد الجيزاوى said...

dina seliman
والله عندك حق
تحاتى ليكى
احمد الجيزاوى

احمد الجيزاوى said...

مصر اللى مشفتهاش


للى مش لاقى حاجة يعملها .. يشوف محافظة ويقسمها
والله عنك اكبر حق كلمه فى الجون بجد عجبتنى وخيشت فى دماغىمن جوة
تحاتى
احمد الجيزاوى

simple girl.. ..simple dream said...

قل اعوذ برب الفلق من شر ما خلق ومن غاسق اذا وقب ومن شر النفاثات فى العقد ومن شر حاسد اذا حسد


قل اعوذ برب الناس ملك الناس اله الناس من شر الوسواس الخناس الذى يوسوس فى صدور الناس من الجنة والناس

احمد الجيزاوى said...

DEW
اهلا بك اخ عزيز وبصراحه بجد انا فعلا سعيد بيك وبزيرتك لمدونتى بجد شرف كبير ليه ويا رب دائما تنورنى ونكون على تواصل
تحاتى ليك
احمد الجيزاوى

احمد الجيزاوى said...

ل اعوذ برب الناس ملك الناس اله الناس من شر الوسواس الخناس الذى يوسوس فى صدور الناس من الجنة والناس

احمد الجيزاوى said...

قل اعوذ برب الناس ملك الناس اله الناس من شر الوسواس الخناس الذى يوسوس فى صدور الناس من الجنة والناس

أحمد سعيد بسيوني said...

بسم الله
انا موافق بشرط
انه يكون يوم اجازة على مستوى الجمهورية
ههههههههههههه
غير كده مايلزمناش هههه
عموما كل سنة وانت طيب مقدما واعتقد اني اول واحد
مش كده ولا في حد او حده تانية هههه
تحياتي

احمد الجيزاوى said...

احمد سعيد بسيوني

يا سلام جيت فى جمل خلاص نخليه اجازة على مستوة مصر ولو عوز على مستوة افرقيا ماشى معاك
هههههههههههه
تحاتى
احمد الجيزاوى