Thursday, April 3, 2008

وزارة الداخلية تضع خطة استباقية لإحباط العصيان المدني




اولا انتظرة يوم الاحد تغطيه لضراب 6 ابريل القادم الاضراب العام فى مصر

ثانيا : حتى الان فى مظاهرة فى جامعه القاهرة






ولكن حتى يوم 6 ابريل انقل لكم الاجرائات الاتى قامت بها وزارة الداخلية وهى خطة استباقية لإحباط العصيان المدني

منقول عن موقع الغربيه اولاين
وضعت السلطات الأمنية خطة استباقية بهدف إجهاض العصيان المدني العام، الذي دعت القوى السياسية في مصر إلى إعلانه يوم الأحد القادم، تشمل اعتقال ناشطين بارزين في حركة "كفاية" وجماعة "الإخوان المسلمين" قبل موعد الاعتصام بثلاثة أيام لإحباط العصيان الذي يعد الأول في تاريخ مصر الحديث.وعقدت اجتماعات مكثفة خلال اليومين الماضيين بحضور كبار القيادات الأمنية بوزارة الداخلية مع مديري الأمن لكافة الشركات والإدارات والمصالح الحكومية والقطاع الخاص، ورؤساء الجامعات المصرية، ووكلاء الوزارات للاتفاق على خطة عمل موحدة لإجهاض العصيان المدني العام. كما ضمت الاجتماعات أيضا أمناء الحزب "الوطني" في كافة المحافظات بكافة مستوياتهم التنظيمية لمعرفة التكليفات المناط بهم تنفيذها.وتقوم الخطة على شن حملة اعتقالات واسعة في صفوف الناشطين السياسيين بحركة "كفاية" وجماعة "الإخوان المسلمين" اعتبارا من مساء الخميس، لمنع تلك العناصر من وضع الخطوات التنفيذية لتنفيذ العصيان المدني.كما تم التنبيه على مديري أمن الشركات والإدارات الحكومية بإعطاء تعليمات لجميع العاملين والموظفين بعدم التغيب في ذلك اليوم، تحت أي ظرف من الظروف، مع التهديد بإحالة أي عامل أو موظف للتحقيق في حالة تغيبه عن العمل، وتهديده بالحرمان من الترقيات في حال تغيبه عن العمل في ذلك اليوم، وتصنيفه أمنيا على أنه عضو بجماعة محظورة مناهضة للحكومة.وصدرت تكليفات لرؤساء وعمداء الجامعات بإقناع أساتذة الجامعات بعدم الاشتراك في هذا العصيان، والانتظام في إلقاء محاضراتهم، وتهديد المخالفين بتصنيفهم أمنيا، واقترحت أجهزة الأمن عقد امتحانات للطلاب على أن تضاف درجاتها لأعمال السنة لإجبارهم على الحضور وعدم المشاركة في العصيان المدني والبقاء في المنزل.كما أُعطيت تعليمات لوكلاء وزارة التربية والتعليم بالتنبيه على مديري المدارس بالانتظام بالدراسة وعقد امتحانات الشهر للتلاميذ يوم الأحد لضمان نسبة حضور عالية للتلاميذ والمدرسين، ومعاقبة أي مدرس يتغيب في ذلك اليوم بخصم حوافزه كاملة.وصدرت تعليمات لأمناء الحزب "الوطني" بالنزول للشارع وحشد المواطنين للذهاب لأعمالهم وعدم المشاركة في العصيان المدني. وسيتم تسيير سيارات بمكبرات الصوت عشية العصيان في مختلف أنحاء الجمهورية لحث المواطنين على الذهاب لأعمالهم في ذلك اليوم. كما سيتم شن حملة إعلامية في الصحف الحكومية لتشويه صورة رموز الداعين للعصيان، وإظهارهم بمظهر العملاء الذين يعملون لصالح جهات أجنبية. وفي الوقت نفسه، صدرت الأوامر لتشكيلات الأمن المركزي برفع درجة الاستعداد إلى الحالة القصوى، ووقف كافة إجازات الضباط والجنود استعدادا لتنفيذ خطة التامين التي اعتمدها وزير الداخلية اللواء حبيب العادلي لمنع تحول العصيان المدني إلى مظاهرات حاشدة في الميادين العامة بكافة محافظات الجمهورية.وتتلخص الخطة الأمنية في تكثيف التواجد بالميادين العامة خاصة في القاهرة والإسكندرية وباقي المحافظات، وإغلاق الطرق والشوارع المؤدية إليها، لمنع أية تجمعات بعد وصول معلومات لأجهزة الأمن عن إمكانية أن تدفع جماعة "الإخوان" بأعضائها إلى الميادين العامة للتظاهر.وأوصت الخطة بتواجد مجموعات من أفراد الشرطة السرية بكثافة بكافة ألاماكن التي يتركز فيها أعضاء "الإخوان" بكثافة، كما تقرر أيضا نشر فرق من أفراد القوات الخاصة بالملابس المدنية في تلك الأماكن لقمع أي محاولات للتجمع، مع الاستعانة بأتوبيسات الشركات لتكون تحت إمرة رجال الأمن لترحيل المعتقلين لمعسكرات الأمن المركزي، وتسيير سيارات الدورية اللاسلكية في كافة المناطق على مدار اليوم.وأصدرت مباحث أمن الدولة نشرة سرية لكافة المستشفيات الخاصة تحذرها من التوقف عن العمل والمشاركة في الإضراب مطالبة إياهم بالعمل بشكل طبيعي كباقي الأيام. كما حذرت نقابات السائقين من المشاركة في العصيان المدني، وهددت بسحب تراخيص السيارات واللوحات المعدنية لأي سيارات أجرة تتوقف عن العمل في ذلك اليوم.وعرضت وزارة الداخلية على رئيس الوزراء الدكتور أحمد نظيف أن يطلب من وزير النقل المهندس محمد منصور تخفيض أجرة تذاكر السكة الحديد إلى النصف في الدرجات الثانية العادية لتشجيع المواطنين على السفر والحركة، وهو المقترح الذي لم يرد عليه حتى الآن.كما أصدرت مباحث أمن الدولة تعليمات لشرطة المرافق بالتوقف عن مطاردة الباعة الجائلين ابتداء من اليوم الخميس، وحتى مساء الأحد القادم لتشجيع المواطنين على النزول للشوارع للتسوق








احمد الجيزاوى

15 comments:

Guhn said...

See please here

Grogal said...

See please here

أحمد سعيد بسيوني said...

والله لو يعملوا الالالي مش هنروح برضه
وهنضرب عشان يحسوا بينا ولاد الـــ...ـ دول
تحياتي

كائن مائي said...

السلام عليكم

هم هددوا المعلقين عندك علي البوست ده كمان ولا ايه :D

تجهيزات فظيعة الصراحة , بس احنا عندنا في الكلية 6 ابريل ده اول يوم في امتحانات الميدتيرم والغياب فيه للطلبة او للاستاف بيبقى مشكلة المشاكل
فهم ضمنوا كدا ان ولا واحد من كليتنا هيشارك في الاضراب ده.

بس على فكرة انا مش متفائلة ومفيش فايدة لاننا شعب مش منظم لا بنتحد على كلمة ولا لنا مطالب موحدة ولا مطالب واقعية والتجارب السابقة قالت اننا بتوع كلام بس .

اليوم اللي اتفقوا فيه انهم يضربوا عن ركوب مترو الانفاق لما التذكرة غلييت , كل الناس كانت فى المترو

وبقالهم 100 سنه بيقولوا قاطعوا المنتجات الامريكية ومؤخرا الهولندية وبرضو نسبة الاستجابة مش كبيرة ويمكن كانت استجابة كبيرة في المنتجات الهولندية لان اغلبنا مش بيستعملها اصلا :D

تحياتى ودعواتى بان ربنا يوحد الامة ديه علي كلمة واحدة وتكون لها مطالب واقعية واضحة , لان فى وحدتهم قوتهم لكن طول ماهم اشلاء كدا هيفضلوا غثاء سيل وكل من هب ودب يلطش فيهم.

dina said...
This comment has been removed by the author.
dina said...

كل اللى بيعملوه ده دليل ضعفهم
وان الشعب فعلا قوه لايستهان بها
وانهم هوا فاضين اوى
ربنا ينصرنا ويقوينا امين ياااااااااااااارب

الوحدة بتقتلنى said...

http://www.2shared.com/file/3090301/6251c904/n813365553_2597454_84411.html

احمد الجيزاوى said...

احمد سعيد بسيونى

احيك يا احمد بجد روح دة هى اى متحاجاة مصر علشان نقدر نغير بجد
احمد الجيزاوى

احمد الجيزاوى said...

كائن مائى

اى عندة امتحان يروح وبعد الامنتحان ينضم الى زملائه فى الاضراب وليس هناك مشكله
اما موضوع فمفيش امل وغير متفائله اولا سبيه على الله ثانيا انا متفائل وحسس انه هيكون فى حاجه انشاء الله
احمد الجيزاوى

احمد الجيزاوى said...

dina
والله صدقتى فعلا الناس دة ضعيفه جدا

احمد الجيزاوى said...

الودة بتقتلنى

جزاك الله خيرا
جارى تحميل البنر

أنا حر said...

معروف ان اكيد الداخلية هتاخد احتياطها ده معروف ومعروف ان صفوف كفاية والاخوان مخترقة امنيا ده كمان معروف علشان كده الرهان على الناس اللي ولا هما اخوان ولا هما كفاية وده الحاجة الوحيدة اللي ممكن تنجح الحركة دي
عايزين ناس تموت نفسها وماتخافش من ظابط او عسكري
لو الاضراب اتنفذ صح من غير الناس ما تتفرج علينا من بعيد لبعيد ان شاء الله هننجح واحنا اللي هنفاجأ الداخلية كمان بس للاسف الرهان ده صعب تحقيقة
تحياتي

Nostor Azzuro said...

كلنا إن شاء الله فى الأعتصام ده
بس مش بمزاجنا
ده عشان احنا مش بنشتغل أصلاً
ومبروك الخطوبة يا مان
وعقبال ما نشرب شربات فرحك

Ahmed Al-Sabbagh said...



أنا ليه هعمل الاضراب ؟؟


لما الفسـاد وقــّـفوه حـارس على وطنى
ولهيب الغلا كوانى .. وحتّ ف بدنى
لما الحرامى سرق منى اللقمة والميه
وسرق هدوءى وسكنى .. حتى من سكنى
لما الحلم حتى اتسرق .. من يومى .. من زمنى
لما النظام نسج - فى عز الشباب - كفنى
أنا قلت هعلن العصيان
فى يوم حزين مـَدنى

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما سألت عالعيش .. قالوا مفيش
وقالو العيش على الأبونية
وسألت عالزيت .. وعزّيت
لما عرفت إن الزيت بتسعة جنيه
وسألت على حديد البُــنا
قالوا الحديد .. خلاص فى كرش البيه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما البشر والحجر
ووادى النيل ببنى أدمينــــه
لما زمان الوطن بايامة وشهورة وسنينه
لما الصغير والكبير
قالوا كفاية مش عايزينــة
كفاية علينا حكم سنين
تخرج الواحـــــد من دينـه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما المبيد صبح سرطان
يهرى ف ارضنا .. فى الزرع .. فى مواطن
لما بؤ الميه صبح وسخ داكن
لما خرب الاقتصاد .. واحد على تلـّـــهَ
قاعد وشارب وواكل وساكن
لما الشباب بيصرخ .. فى ذل ومهانة
ولا شغل ولا توظيف ولا شقة ومساكن

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم

تحياتى
أحمد الصباغ


محمود الدوح said...

دومة اتقبض علية هو واكرم الايرانى وحسن عبدالله