انا بصراحه كنت واخد اجازة علشان خاطب جديد ومكنش ليه مزاج انزل موضوع جديد ولكن بصراحه الحال وصل الى نقطه لا رجوع فعلا
ملخص الكلام انى الوضع فى مصر زفت على الاخر
انا بكلم على الغلابه وخصوصا الى عيشين فى المحافظات والقرى اهل العاصمه الحكومه بتحاول تسد حاجتهم خصوص انهم فى تحت الضواء وبيعرفه يشتكه كويس و كمان اماكن موجود فيها بشوات وناس وصله وصحافه والعين عليه
اما الاقليم والنجوع فحال زفت على الاخر
يـــــا جماعه احنا فى بلد
كيلو العدس فيه 8 جنيه وكيلو الموز 2 جنيه
كيلو الفول 6 جنيه وكيلو الفروله 3 جنيه
لتر الزيت 12 جنيه ولتر الحاجه السقعه 3 جنيه
طبعا الدقيق والاقمح ورغيف العيش مختفى من الاسواق وجارى البحث عنه
السكر خارج نطاق الخدمه
بس الحمد الله جميع ادويه الضغط متواجدة وبوفرة فى الصيدليات علشان الشعب الغلبان
الان الفقر وصل الى العنق حتى اساتذة الجامعه وطبعا من قبلهم الصحفين والمحامين والاطباء واليوم اساتذة الجامعه ويوم 6 ابريل عمال مصر ونرجه ان يكون شعب مصر
كارثه اناس الى شغاله مرتبه مش مقديه امال العوطليه هيعمله ايه
من غير رغى كتير علشان انا بصراحه قرفان من الشعب المصرى لانه ساكت حتى الان خلينا فى البوست
الان مع الصور
التغطيه لاضراب اساتذة الجامعه القاهرة
26 comments:
انا مش فاهم ايه لازمة الأضراب والمظاهرات ما هى كل حاجة حتفضل زى ما هى
ما دام الحال مش بيتغير يبقي انا معاك ف ان الواحد لازم يعمل حاجة وياريت يكون الشعب كله بيتظاهر علشان الحق يرجع لكل مواطن
دكتور جامعه ايه اللى بيوصل ل 500 جنيه
دول بياخدوا مكافئه امتحانات
200%
يعنى اقل فراش ف الجامعه بياخد مكافئة امتحانات تلات الالاف جنيه
وهما ااقل دكتور بياخد 5 الالاف جنيه
غير ان مرتباتهم مبتقلش عن 800 جنيه
غير الحوافز والحجات
غير اللى بيدوا دروس
غير اللى بيطلعلهم م تمن الكتب
غير انهم اصلا بيشتغلوا 8 ايام ف الشهر
كل واحد ليه يومين ف الاسبووووع
يعنى اليوم بيقف ب 100 جنيه
قطم رقابهمممممم وربنا
دول بس شافوا الهوجه اللى بتحصل والاضرابات
فقالوا نعمل زى الناس
اهو ده اللى ناقص صحيح
دكاترة جامعه يضربوا ال
العمال ماشى
صحفيين اه
دكاتره ماشى
كل دول عندهم حق
لكن دكاترة جامعه
اهى دى اخر نكته
دول تالت اعلى اجور
بعد القضاه
والضرايب
تحياتى يااحمد ع المجهود
انا بس مستغربه الناس مستحمله و ساكته ليه يعني هايتحركوا امتي
اولا احب اسجل اعجابى بالتغطية (وباللى عمل التغطية)
صحيح انا شهادتى مجروحة لكنه عمل صحفى من الدرجة الاولى
ثانيا انت عارف القرع اللى اتكتب فى الاهرام عن الموضوع دة
واحنا لما روحنا الجامعة بنفسنا لقينا الوضع مختلف تماما
ودة بجد عيب كبير اوى فى حق صحيفة عريقة لها وزنها ومكانتها زى مؤسسة الاهرام
بس برضه الحقيقة بتبان
امت بقى اضراب ستات البيوت وانا هقوده بنفسي
بنا يرحمنا
بس ايه اسعارك القديمة دي الموز ب3 جنيه
والزيت ب13
والفرخة 25
والعدس ب9
وكفاية كدة لالطم
وبعدين انت يا ابني مش جيت طلبت ايد البت وانا وافقت
عموما الف مليون مبروك ولو اني ما كنتش هكلفك الدبلة حتى
ربنايتمم بخير
تحياتي ليك وللعروسة
مرتبات حكومة بقى
الدكاترة دول يشوفلهم عقود شغل برة احسنلهم
الدكاترة المفروض مقامهم مقام وزرا
انا مستغرب بجد للمهزلة دى
ربنا يسترها
بجد مصر على صفيح ساخن
تحياتى ليك ياابو حميد
أخرة الكلام إيه
فين الحركة
دى الحركة بركة
إنت عارف يابو حميد حكومتنا عملة زى الخفاش مش بتحس أصلا والحاجات دى الإعتصامات والإضرابات ولا بتفرق وإنت سيد العارفين
حسبى الله ونعم لوكيل
http://elmancy2000.blogspot.com/
على الرغم من كل اللى بيحصل ده
انا فرحان
لأن أحلك الليل آخره
جزيت خيرا
السلام عليكم
احبه لانه بستحق ان احبه
ذهبت بعيدا ولكن رجعت اليه
اخذتني الدنيا ولكن رجعت لاني احبه
عرفته بالحب عدت بالحب
هل تحبه هل تسمعه ,الك قلب
ان كان لك قلب ستسمع
حتما ستسمع ,
الم يان للذين امنوا ان تخشع قلوبهم لذكر الله وما نزل من الحق ولا يكونوا كالذين اوتوا الكتاب من قبل فطال عليهم الامد فقست قلوبهم وكثير منهم فاسقون
اياك ان تذهب اياك ان تمضي ارجع فقط ,ارجع فحسب ,ارجع ان كنت تحب
ارجع قبل ان يأتي يوم ولاتستطيع الرجوع ,
الك اله سواه الك رب غيره ,ماهذه الدنيا ومن فيها ومن عليها ,
يا حسرتى على ما فرطت في جنب الله وان كنت لمن الساخرين
يا حسرتى على ما فرطت في جنب الله وان كنت لمن الساخرين
يا حسرتى على ما فرطت في جنب الله وان كنت لمن الساخرين
العائد الي النور
لنا الله
وماضاقت الا لما فرجت
السلام عليكم ورحمة الله
اول زيارة للمدونة فتقبل مرورى
اولا الف مبروك بمناسبة الخطوبة ربنا يتمم لكم علي خير.
ثانيا شكرا علي خبر تغطية اضراب دكاترة الجامعة.
ثالثا ردود المتابعين عندك مستفزة وتنم عن جهلهم بقطاع دكاترة الجامعة
واللي مايعرفش يقول عدس
معلومة غير معلومة
مكافأة 200% ديه بتكون علي اساسى المرتب واساى المرتب 48 يعني في الاخر المعيد بياخد 95 جنيه
والمدرس المساعد بعد ما تطلع عينه في ماجستير 5 سنين بيزيد 2 جنيه علي اساسى المرتب ومكافأة ال 200% بتاعته بتبقى 125 جنيه
ومرتب المعيد بعد الحوافز مش قبل 600 جنيه .
يعني الصراحة كتير وزيادة والفلوس بتدلدق في الارض من الاستاف
رابعا لان المعيد والمدرس المساعد هم دارسين بجانب عملهم بالتدريس -وده اللي بيقوموا بيه تفضلا منهم لان قانونيا ماينفعش يدرس الا لما ياخد الدكتورة وقبل كدا بيكون مجرد مساعد - فعلشان دراستهم من حقهم يومين تفرغ والبلد كلها بتاخد يومين اجازة جمعة وسبت فيبقى اجازة 4 ايام وشغل 3 ايام
وال 3 ايام شغل دول بيبقوا شغل 9 ساعات شرح متواصل.
بس ارجع واقول اللي مايعرفش يقول اي كلام زي الكلام اللي شوفته هنا ده
تحيــاتى
الحال مش هيفضل كتير
المظاهرات و الوقفات مستمرة و الإضرابات العمالية بتزيد يوم عن يوم , و احنا بس فى انتظار الشرارة الى هتجمع الناس دول كلهم فى مظاهرة واحدة
و ارتفاع الأسعار و حالة الفقر هتخللى الناس تنفجر ... و ربك فرجه قريب
السلام عليكم
مش انت بس الى قرفان الكل مش طايق نفسه بس بيحاول ينفس بطريقته
ندخل فى الموضوع عارف قائمة الاسعار الى نت عرضتها والى الكل عارفها فكرنى بمقولة امبراطورية فرنسا قبل الثوره الفرنسيه لما قالولها الشعب مش لاقى الخبز فقالت لما لا ياكل الجاتوه
انا بقى شفت مره فى حوار تلفزيونى السيد المحترم وزير الزراعه بيتفاخر انه زود من انتاج الفاكهه والعجب العجاب ان مصر بلد الزراعه بتشحت القمح والذره بالذمه ده عقل
عموما كلى امل فى الله ورحمته لكن معنديش امل فى الشعب وتحركه
دمت بالف خير وسلامى للسيندريلا
تحياتى
يا بنى انت على وش جواز
وفى ناس عاوزينك
هههههه
والله يا احمد البلد بقى حاجة تحزّن يا اخى
:((
الف مبروك للخطوبة
لازم المنهج يتغير ولازم نتحد وناخد موقف بجد لأن الوضع صعب فعلا
لازم نتحرك علشان خلاص حياتنا رصيدها انتهى ومبقاش ليها كروت شحن عند حكومتنا الالكترونية
تحياتي
أنا مستني السنادي عصيان مدني على الاقل
يقوده المثقفين واساتذه الجامعات
أخى الكريم أبشر إن شاء الله
دى البداية وما هو قادم أشد
وليكن أبريل هو بداية لبلوغ الذروة
تقبل تحياتى
اهي هانت اهي
احمد اسعارك كلها قديمة جدااا الاسعار الان ازيد الضعف ربنا يكون مع الغلابة واللة الناس ما عادت عارفة تعيش الحمد للة ع الستر
واساتذة الجامعات شريحة من المجتمع برغم انها ليست اكثر الشرايح حاجة بس حقهم المطالبة
فعلا اتمنى لو انتشرت ثقافة الاعتصام بكل مكان
تحياتى والف مبروك
6 ابريل
لا تنسى
صباح الفل يااحمد وطبعا الاول الف مبروك عالخطوبة تانى
وعاوز اقلك ان الدكاترة دول وكلنها والعة يعنى مثلا عندنا فى الكلية الدكتور عامل كتاب تكلفته بالكتير 5ج وبيبيعه ب45ج ومفيش ابويا ميت ولا غلبان طبعا كلام لكن اللى مبيشتريش التاب ساقط ساقط والمعيدين مقضينها كورسات وبياخدو من الواحد 400 دة فى الاقاليم ما بالك بقة فى القاهرة لكن فى ناس تانية هما اللى مظلومين زى المدرسين والاطباء والموظفين الخخخخخخخ
ربنا يوفقك
شيتووووووووووووووس
كله كلام والسلام
زى كادر المدرسين
وكادر الاطباء
مالا شفنا اى حاجه غير تقييم على اساس شاهد ما شفش حاجه
ربنا يرحمنا جميعا برحمته الواسعه
ويضيق عليهم حياتهم
-------------
زياره اولى لمدونتك
سعدت بها
بسنت
السلام عليكم
وياترى الاضراب ده هيجيب نتيجة
اشكرك على زيارتك لمدونتى المتواضعة
عاوزة اقول لمصر
انك مش هتقومى غير بينا
وانا معاك يا مصر فى الاضراب
مش هتنازل عن ابسط حاجة اقدر اعملها
برجاء الاهتمام باللغه شويه
بعدين ايه قرفان من الشعب المصرى ؟؟!!!
كلمه تقيله يابو اوى يابو حميد
Post a Comment