Wednesday, October 1, 2008

النهارة فرحى يا جدعان واشياء اخرة

التحديث الاخير لهذا البوست
******************************
بسم الله الرحمن الرحيم
الحمد لله والشكر لله
اخيرا اتصورت الصور اى كنت عمرى كله بحلم بيها والاجمال مع انسانه بحبها اوى اوى
القصه طويله اوى والحب كبير اوى
والتضحيه غاليه اوى
هذا اقل ما يقال عن قصه حبنا
فى القدم كنت اعتقد ان قصص الحب التاريخيه والاسطوريه هى وهم من رحم فكر مجنون لمجتمع صغير ولكن بعد ان جربت الحب وعشقت مثل مجنون ليلى وحاربت من اجل حبى مثل عنترا اعتقد الان انى مثل هولاء العشاق الذين يضرب بهم المثل فى قصص الحب الاسطوريه بل وبدون مبالغه اعتقد انى الافضل بحب زوجتى وحبيبتى شاهندة لى
اخيرا اشكر كل الاخوة المدونين وغير المدونين على مشاعرهم الجميله و
الف تحيه الى اختى شيرين وامى ست الحبايب
و حتى يكون ختامه مسك اقول الى
زوجتى وحبيبتى سوف اظل الى اخر العمر اصرخ بحبك




























ارسل الى صديق فيديو لحداث التحرش الاخيرة فى شارع جامعه الدول العربيه ولكن ايضا ظهر حوادث تحرش جنسى ايضا ارسله لى بعض الاصدقاء
فى الهرم ومدينه نصر والمعادى ودة يدل على انه اصبح ظاهرة منتشرة فى كل مصروانا بصراحه مكنتش عوز اقطع اجازة شهر العسل بتاعتى ولكن اجبرت امام الحاح صاحب الفيديو على نشر ولكن انتظرة صور فرحى الى اخرة المصور برضه هنزله فى نفس البوس لانى حالف منزل بوست قبل الصور دة
الان مع الفيديو





فيديو التحرش فى العيد الصغير فى شارع جامعه دول العربيه



















فيديو معاكسه وتحرش فى منطقه ستى استار مدينه نصر



















معاكسه وتحرش فى منطقه الهرم



















فعل فاضح فى الطريق العام















































































النهاردة فرحى يا جدعان
لازم كله يبقه تمام جدا لازم بمناسبه هذه ان يفرج عن ابراهيم عيسى ويلغوا قانون الطؤارى فى مصر وبمناسبه زفافى السعيد المبارك يجب ان يستقيل مبارك وكل الشله
ولكن هذا البوست هو فقط من اجل اعلام كل الناس بهذة المناسبه السعيدة
وان شاء الله انتظروا صور الفرح شهر العسل بعد شهر العسل على10اكتوبر ان شاء الله
ولكن طبعا لازم تعرفوا خلفيه عن العريس والعروسه التى سوف تباركون لهم
ومن يعترض بصراحه يشرب من البحر
ومن يبارك فى عينى وقلبى من جوة













اولا ملكه قلبى العروسه






عروسه غلبانا لا بتاكل ولا بتشرب خاسه على طول ووشها اصفر





تمتاز بمستوى خارق من الذكاء





تمتلك قدرة خارقه على اقناع الاخرين بما تريد بسهوله





غلبانة على الاخر
__________________________________________________






ثانيا العريس





شايف نفسه على الفاضى فاكر نفسه احمد عرابى وهيغير حسنى مبارك طبعا بيحلم





محترف الاعتقال واكثر محامى فى تاريخ نقابه المحامين يعتقل او يضرب من امن الدوله





اوعى وشك منه لو جاع او عطش





مزاج التصوير بيجري فى دمه ومن اهم هوياته تصوير المظاهرات والامن






يقال انه يعمل صحفى بجوار انه يعمل محامى ولكن لم يصدق حتى الان هذا الكلام














______________________________________________






تحياتى لكم

انتظروا منى وعروستى ان شاء الله صور الفرح وشهر العسل بعد ما أخلص شهر العسل
يعنى انا فى اجازة
تحياتى





احمد الجيزاوى

24 comments:

مهندس مصري بيحب مصر said...

مبروك
ألف مبروك

ربنا يهنيك و الجوازة دي تعقلكم انتوا الإتنين

:)
كل سنة و انت طيب

حمادة زيدان said...

مبرووووووووووووووووووووووووووووووك

يا جيزاوي

ألف ألفين مليون مبروك

وبلغ سلامتنا للعروسة

وعقبال ما نشوف ولادكم بلوجات صغيرة كدة

سلاموز

وكل سنة وانتوا طيبين

د. محمد رضا said...

ههههههههههههههه

والله انتو عسل

ربنا يوفقكم يارب

كل سنة وانت طيب يا احمد

أحمد سعيد بسيوني said...

بسم الله

كل عام وانتم بخير

كل عام وانتم في صحة وسعاده وهناء دائمين

كل عام وانتم الى الله اقرب

تحياتي الخالصة

د/اجدع بنوته said...

الف مليون مبرووووووك

زهرة الجنة said...

مليووووووووووووووووووووووووووووووووون مبروك يا أحمد أنت وشاهندة
وربنا يكمل فرحتكم علي خير
وعقبال ما نشوف أطفاكم ويكونوا مدونين ومدونات
ههههههههههه
عيد سعيد عليكم

مصعب رجب said...

الأول التهنئة بالعيد
تقبل الله منا ومنكم
وكل عام وأنتم بخير

وثانيا التهنئة بالزواج المبارك إن شاء الله
بارك الله لكما
وبارك عليكما
وجمع بينكما في خير

amkhalilo said...

الدعوة الى تفة أحتجاجية يوم 6 أكتوبر:
------------------------
الزمان : فى تمام الساعة الثانية من ظهر يوم الأثنين الموافق السادس من أكتوبر 2008
المكان :على كل شبر من أرض مصرنا الحبيبة
الغرض:من أجل من ضحوا بحياتهم فى سبيل رفعة هذا الوطن وعبروا وروا صحراء سيناء بدمائهم المخضبة وخاضوا أشرف المعارك ولم يكونوا أبدا على علم بما ستوؤل اليه البلد بعد مضى خمسة وثلاثين عاما على العبور العظيم
لتحية هولاء الأبطال أدعوا لهذه التفة الأحتجاجية.
تفة على الظلم والأستبداد وكبت الحريات والطوارئ
تفة على أزدواجية المعايير بين الأغنياء والفقراء وأتساع الهوة بينهما
تفة على مسئوليين باعوا البلد بالخصخصة وأفسدوها بالعمولات والرشاوى
تفة على رجال أعمال أعمتهم حمى السلطة والنفوذ وساعدتهم الدولة بالتخصيص
تفة على الأحتكار وسيطرة أمبراطور الحديد على مصير الشعب الغلبان
تفة على جيل المستقبل الذى يعمل ليورث الحاضر
تفة على حكومة النظافة أللى ريحتها الوسخة بالغاز والحريق فاحت
وأخيرا تحية عطرة لمبارك الريس وكبير العيلة وصاحب التفة الجوية الأولى علينا
ونحن فى هذا اليوم نرد عليه بتفة أرضية تعبر عن الحب والسعادة والأمن والأمان
نريد فى هذا اليوم المشهود وفى ساعة العبورالعظيم أن يشهد العالم كله تفة 80 مليون مواطن تعبر على حضارة الشعب المصرى الأصيل
يا أخى المصري التفة هى حق دستورى لكل مواطن لا تخف فلن تسجن أو تعتقل
6 أكتوبرالساعة 2 ظهراعلى صوتك بتفتك لسة التفة ممكنة.
حاول أن تصل هذه الرسالة بشتى الطرق لكل العالم
أمضاء
علاء خليل الشهير باللول الحضراوي
أسكندرية مصر
http:amaryamisr.blogspot.com

الشريف / جمال طة said...

الى عبدالله بن عبد العزيز ملك السعودية
انكشــــــفت وانفضحـــــــــت متاجرتكم بالاسلام والشرع
والكذب بالقول عدل أبناء عبد العزيز
والحقيقة أن تقــــولوا ظلـــــــــم أبنـــــــــــــــاء عبد العزيز
فـى الشرق ألأوسط لكــــل من يقع فى أيديهم
لــــو أن فاطمة بنت محمد سرقت لقطعت يدها
ولكن أنتم لأن السارق سعودى فعفوتم عنه وأعنتموه
ولو تعثرت بعير فى الشام لسئلت عنها يوم القيامه
ولكن أنتم لونهبت أموال المصرى والغريب فهذا حقا يكفله نظام
العبودية بالسعودية والمسمى بنظام الكفالة المقيت
والى القارىء والزائر العزيز تصفح كامل مدونتي لتتعرف على
الفضائح

مواطن مصرى نايم said...

مبروووووووووووووووك
الف الف مبرووووووووووك
انتم السابقون يا جيزاوى و نحن اللاحقون
كلنا لها

ربنا ان شاء الله يرزقكم بالذرية الصالحة
و يوفقكم فى حياتك يا رب
مبروووووووك يا عريس
الف مبروك


تحياتى

اسلام

Anonymous said...

بارك الله لكما وبارك عليكما وجمع بينكما فى خير
ورزقكم أولاد وبنات حلوين وصالحين

Soul.o0o.Whisper said...

السلام عليكم و رحمة الله و بركاته


ألف ألف ألف مبروووووووووووووووووك
و بارك الله لكما و بارك عليكما و جمع بينكما فى خير

و عقبال ما نشيل ولادكو يارب


:)

خالص تحياتى

بس ما تنساش الحاجة الساقعة و الجاتوه

لا أزعل أوى
ههههههههههههههه

بنت الاسلام said...

بجد الف مليووووون مبروووووك وربنا يتمم بخيرررررررررر

وعقبال كل الناس يارب

ابو النجوم said...

احمد
الف مليون مبروك وربنا يتمم لكم بخير ويرزقكم بالزريه الصالحه اللى لابتروح مظاهرات ولا بتعمل وقفات احتجاجيه ويكونوا حبايب الامن مش متعودين على الضرب الحكومى . والله فرحنا لكم جدا ياجيزاوى وعلى الله يكون الجواز فاتحه خير عليك وعلى مصر كلها.

ojg said...

هههههههههههههههههههههه
الجولة التعريفية بالعريس والعروسة
تحفة

ألف ألف مبروك
هنستنى صور الفرح يا عريس
:)
ربنا يبارك لكم ويبارك عليكم

"عبير النجار "نيجار said...

زميلي العزيز
الف الف مليون مبروك وربنا يسعدكم
والعروسه زي القمر
وفي انتظار صور الفرح
تحياتي

زُمُرده said...

لولولولولولولولول
مليون الف مبرووووووووووووووووك

بارك الله لكما وبارك عليكما وجمع بينكما فى خير
وربا يرزقكم مدونين مصريين جدا ويجعلهم بارين بيكم وباسلامهم وبلدهم
ومستنين الصور
-----------------
ا/ احمد الجيزاوى
ده ردي عليك انا نشرته ف مدونتي
واهو تاني علشان يبقى موقفي واضح
----------------------
كل سنه وانت وزوجتك خير وعيد سعيد عليكوا


انا كمان اتمنى القاكم قيب
ياااااارب

هو بس احساس صعب لما تلاقي صوره انت صورتها بفكر معين وليها جواك مكان
وخصوصا ان الحمامه اللي فيها انا بووومت فيها كمان
وتلاقي حد اخدتها بسهوله كده من غير اي كلمه او اشاره ليك
صدقني بتوجع اووووي

عموما انت احرجتني بذوقك جدا جدا بجد
ومفيش غير اني اسيبهالك ذكرى
خصوصا انك مكنتش تعرف

وشكرا ع اهتمامك بالرد
واعذر تاخيري لظروف كده
لعلها خير
وشكرا

سارة بندارى said...

الف مليووووووووووووووون مبرووووووووووك


بارك الله لكما

وبارك عليكما

وجمع بينكما فى خير


تهانينا القلبية

عاشــــــ النقاب ـقــــة"نونو" said...

الف مليون مبروك
بارك الله لكما وعليكما

مشروع انسان said...

الف مبروووووووك
يا بو حميد

بس حاطط تحرش
على صور فرح

:)

اكيد مش فاضيلنا

ربنا يكرمك يا عسل
ويباركلك

Anonymous said...

أنا بس عاوزة أعلق على الفرح وأقولكم الله أكبر ربنا يسعدكم يارب ويكتبللكم كل خير :)

كـــيــــــــارا said...

الف الف الف مبروووووووووووووووووك

والله فرحانه لحبكم

وربنا مايحرمكم من بعض

ويديم الحب بينكم

بنت الاسلام said...

الف مليون مبروووووووووووووووك وربنا يسعدكم يااااااااااارب ويجعل ايامكم كلها سعيييييييييدة ياااااااارب

علاء الدين عبد المنعم احمد said...

الف مبروك ياستاذ احمد وعقبال ما نباركلك علي ولي العهد ربنا يسعدكم ويرزقكم بالذريه الصالحه
انا سعيد جدا اني اتكعبلت النهارده في مدونتك الرائعه وربنا يوفقك ويوفق شعب مصر ويبعد عننا اللي ما يتسموش

علاء السويسي