انا مش عجبنى النظام
انا مش عاجبنى حسني مبارك
جمال مش نازلى من زور
أحمد عز بيفكرنى بأول أكسيد الكربون بتاع الحديد
شايف سرور زي دراكولا
مخنوق من أسامة سرايا وهو بيشتم في المجاهدين بتوع حماس
مش عجبنى المهزلة العسكرية
مش عاجبنى إن معبر رفح مقفول في وش إخوانا فى غزة
مش عجبنى الكويز
مش عاجبنى إن الصهاينة بيدخلوا سيناء بالبطاقة زى بالظبط
مش عاجبنى إن واحد بلطجي بيغذبنى فى القسم
مش عاجبنى المرتب
صحيى انا عاطل اصلا
مش عاجبنى موضوع سد عجز الموازنة اللي هما سرقوها
عاوز المرتب يزيد
مش عاجبنى بعد خمستاشر سنة تعليم إنى اطلع حمار بشرطه
مش عجبنى طلعت الأول وماتعينتش عشان الكوسة
ان تعبان
طب عاوز اتعالج في المستشفى
خايف من المستشفى
عشان الدكتور راح مشوار وساب صاحبى
في العمليات ومات قبل كدة
مش عجبنى انى مش لاقي سرير ليه في المستشفى
وبشترى العلاج المجاني بفلوس
مش عارف ادفع مصايف التعليم المجاني
مش عجبنى انى اعتقلت قبل كده
أمن الدولة مسكتنى قبل كده ووضبتنى
والأمن قطع عنى النت أسبوعين عشان بشتم في مبارك
مش عاجبنى حال مصر كدة
3 comments:
والله صحيح
ومش عاجبك وحدك بس
لا دة مش عاجب الكل
لكل من لة ضمير حر
كل اللى قلتلة تمام..رغم انة فى حد ذاته ..مش تمام..ايش نعمل؟؟هنعيش وهنعيش
وهو مين عاجبه حال مصر كده
بس كل واحد يعمل على سمو نفسه وجمالها عشان نقدر نغير
يبقى انت اكيد اكيد في مصر
كل عام وانتم الى الرحمن اقرب
مبروك التليفزيووون
وعقبال المهم اوي ماشي اوعى تنسى تعزمنا
تحياتي
Post a Comment