Tuesday, December 11, 2007

بوست مكثف علشان البوست القادم بعد العيد ان شاء الله

كل عام وانتم بخير




اولا قبل كل شى كل عام وانتم بخير بمناسبه العيد الكبير او عيد الاضحى واعادة الله عليكم بكل خير وان شاء الله العيد الجى اى كان نفسه يعمل حاجه ومعرفش يعمله العيد دة يقدر يعمله بس طبعا فى الخير وما يرضى الله يعنى الى نفسه يتجوز يتجوز واى عوز يشتغل يشتغل والى نفسه ينجح ينجح يا رب امـــــــــــــين وكل خير لكل الناس وطبعا اخوتنا المسحين فى مصر كل عام وانتم بخير بمناسبه عيد القيامه واعياد راس السنه علشان البوست القادم بعد العيد
نشوف بوست النهرضه
اولا اقام طلاب رابطه العمل الاسلامى فى جامعه القاهرة معرض بعنوان بلدنا بتتقدم بينا
وكان شغل رائع جدا وتكلم عن التعذيب فى مصر ودة الجديد احنا كنا لمه بنتكلم عن التعذيب اما ان نخاطب القضاء او المحامين او منظمات حقوق الانسان ويكون التعذيب وقع فعلا لا يوجد توعيه بين الناس لا يوجد حصانه وهذا قمنا بمعرض عن التعذيب فى مصر بين الطلاب العيال الورو نحصنهم وخصوصا انهم طلاب كليه حقوق يعنى المعنى الاول من الطلاب بقضيه المهم اقمنا المعرض وكان فى صدمه عن الطلاب واكثر سؤال اتسئل بجد حسسنى انى اى شغلين فى مجال مقاومه التعذيب دول ولا حاجه السؤال هو صحيح فى فى مصر تعذيب كدة ؟؟؟؟؟؟؟؟؟؟
تخيله بعد كل دة الناس عندة صدمه مش عرفه لسه بتسئل
خليكم مع الصور المعرض والتفصيل اكثر هتجدوة على موقع الرابطه هنا



تناول المعرض قضايه اخرة زى انى مصريف الجامعه 455 جنيه لانتساب و 117 جنيه الانتظام همه فى الاصل 14 جنيه يا مسلم بس والباقى الجامعه بتمصلح علينا فيهم
مبادء الحركه

لا لتعذيب



لا لتعذيب

لا لتعذيب

الطلاب والنقاش حول المعرض
حوار حول حل البلد

معرض كان اكثر من رائع



*********************************************************************
فى سواق عربيه اسمه محمود وعندة ابن اسمه مبارك حلو حط الصورة دة على خلفيه العربيه هو شغل على خط جيزة اكتوبر محدش يفتكر قصدة مبارك حد تانى دة قصدة ابنه الواد مبارك اى بيلعب فى الحارة


***************************************************************************
قعد دماغ ولا كانى غزة محاصرة ولا العراق احتلوة ولا فى طوارئ فى البلد ولا ناس بتموت من التعذيب ولا هيلغه الدعم رايق على الاخر المواطن المصرى دة
بس يا خوفى لمه تخرب




******************************************************************************


ايوة صح انت مش احول ايوة انت نظرك سليم العمارة دة مريحه شويه عادى مصر بلد العجائب

*******************************************************************
مطلوب منى فى البيت والشغل والشارع وعلى القهوة انى اعمل كدة


ايه رايكم اسمع الكلام وله

******************************************************************************
رحنا يوم عرض احمد محسن المدون صاحب مدونه فتح عنيك رحنا وعملنا اعتصام امام النيابه التى جددله 15 يوم
فى فيديو لعبد الرحمن فارس وهو بينشد شعر رائع
اةاةاةاةةةةةةةة يا مصر لسه فيكى كلاب وقصر
اةةةةةةةةةةةواةةةةةةةةةةة يا بهيه نفسى اعيش بحريه



جانب من الاعتصام
جانب من الاعتصام


يا حريه فينك فينك امن الدوله بنا وبينك



جانب من الامن


فيديو لعبد الرحمن فارس المدون الذى اعتقل قبل شهور وهو بينشد شعر حببتى يا مدينه
اثناء الاعتصام


كل عام وانتم بخير اشفكم بعد العيد
احمد الجيزاوى

43 comments:

محمد مارو said...

اولا كل سنه و انت بالف صحه و احسن حال و عن امن الدوله محال
انا بقول عن مش على خد بالك
ثانيا
حلوه اوى الصورة اللى فى الاول دى
هو انت خ ر و ف ؟
ههههههههههههههههههههههههههه
ثالثا
حلو كمان الشغل بتاع الرباطه
و الاحلى الواد دومه ده
عسل اووووووووووووى
فى كل مصيبه بيكون موجود
هههههههههههههههههه
انا لو شفته ماشى فى الشارع هعرف ان الشارع ده فيه اضراب او مظاهره او اعتصام

ENAS said...

وانت طيب حلوة تجميعة الأحداث دى

وصورة الخروف فعلا تموت من الضحك أنا
حملتها عندى
تحياتى

اسلام رفاعى said...

استاذ احمد مبروك على النيولوك بتاع المدونة ووحشنى والله والتغطية رائعة

only spot said...
This comment has been removed by the author.
only spot said...

تحياتى ليك على التجميعه الهايله ديه للاحداث وكل عام وانت بخير ويا رب السنه الجايه تكون سنة خير وسعاده علىنا كلنا
وربنا يفك اعتقال احمد محسن وكل المعتقلين
وعيد سعيد علينا كلنا
تحياتى

حزيــــــــــــــــــن said...

كل دا بوست
طب اعلق على ايه بالظبط
كل سنه وانت طيب وبعوده الايام والعيد الجاى ان شاء الله يكون فات عليك سنه من غير ضرب ولا حبس ولا اى حاجه

طبعا حضرتك مش بتيجى عندى الا لو جيت عندك بس انا المره دى محتاج رأيك فى اخر بوستين ولازم ترد عليهم ومستنيك وترد على الاتنين
وعشان حضرتك نسيت اسم المدونه فهى اسمها
مزاج
http://mazaag.blogspot.com

دعوة الفردوس said...

المعرض أكثر من راائـــــــــع

والاعتصام كمان

كل سنه وحضرتك طيب
وربنا يجعل العيد القادم والبلد في حال أفضل من دي

ابن رشد said...

اولا كل سنة و انت طيبة
و التغطيات كلها رائعة فعلا
بس ما ينفعش مجموعة الطلبة يبقى اسمهم مجموعة العمل من غير اي اديان
لية التفرقة

مشروع انسان said...

هلا جيزاوى
كيفك عامل ايه
ربنا يتقبل منك يا بطل
ويبارك فيك
وكل سنة وانت بخير
وبسعادة

عمر محمود said...

عفواً
انا مش داخل اعمل إعلان والله
بس الوقت ضيق
فاضل على عرفة يوم
ناويين على إيه

8 ذى الحجة

simple girl.. ..simple dream said...

كل سنة وانت طيب يا احمد
وان شاء الله الغيد الجاى تكون حققت كل احلامك
او حتى حلم او اتنين منهم

والبوست المجمع دة جاااامد جدا ومركز جدا
حلو مووووووت

alzaher said...

كل عام وإنت بخير
ونرى مصر العام القادم وقد صارت كما نتمنى
:)

كدا وبتاع said...

والله شغل جميل

محتجين فعلا ننشط الجامعات شوية فى المجال السياسي لانها السنادي ميته ومش متناسقه مع الاوضاع فى البلد

كل التوفيق ،،،

Unknown said...

كل سنه و انت طيب عيد سعيد

خالد حفظي said...

كل عام وأنتم بخير
تقبل الله منا ومنكم صالح العمل
تغطية موفقة وفيها مجهود واضح
الله يعينك
خالص تحياتي

عصفور اسكندرية said...

السلام عليكم
كل عام وانتم بخير
عيد سعيد
رزقكم الله الحج
تقبل الله منا ومنكم
ايه الشغل الحلو دا
بوست طويل بس حلو

مفأجه العيد
http://mat7on.blogspot.com/

ahmed mefrh said...

كل عام و انتم بخير
اهنئكم بعيد الاضحى المبارك
تحياتى ابو مفراح

شقاوة شعب said...

اولا لازم اقول كل سنة وحضرتك طيب

وان شاء الله يكون ربنا تقبل منك صالح الاعمال فى يوم عرفة
وان شاء الله السنة الجاية على عرفات

ثاينيا موضوع معرض الصور اللى عملتو للتعذيب ده فعلا اكثر من رائع
وبجد هى دى اكتر حاجة احنا محتاجينها

التوعية
التوعية
التوعية

وبعدها تحميس الناس انها تتحرك من نفسها وتشارك

وبعد كدة لازم هيكون فى تغييير ان شاء الله


تحياتى
شيماء

بنت أبيها said...

كل سنة وحضرتك طيب

صانعة الحرية said...

عيد سعيييييد يا فندم
وما شاء الله عليكوا
عجبنى نشاطكم
فى بعض المدونات منها مدونة حضرتك لما بدخلها بتمنى انى اكون ولد
علشان ابقى عندى حرية اعمل زيكم
ربنا يكرمكم يارب
وهقول يا رب حبسنى العزر فلا تحرمنى الاجر
وكل عام وحضرتك بخير

اسلام رفاعى said...

خالص التهانى القلبية بمناسبة عيد الاضحى المبارك
كل عام وانتم بخير

احمد الجيزاوى said...

مارو الف شكر وكل سنه وانت طيب وامين يبعد عنا امن الدوله انا وانت وكل السمعين
احمد الجيزاوى

احمد الجيزاوى said...

استاذة ايناس
الصورة تحت امرك

احمد الجيزاوى said...

اسلام رفائى
الله يبارك فيم ولزم اشوفك قريبنا
احمد الجيزاوى

احمد الجيزاوى said...

only spot
امين يا رب
والف شكر وكل عام وانتى بخير
احمد الجيزاوى

احمد الجيزاوى said...

حزين
كل عام وانت بخير
وانا عندك بس هو كسل تعليق بس
احمد الجيزاوى

احمد الجيزاوى said...

دعوة الفردوس
الله يكرمك
وجزاكى الله خيرا
وكل عام وانتى طيبه
احمد الجيزاوى

احمد الجيزاوى said...

شمس
وانت طيب
وايه مينفعش مجموعه لا لمه يكون اسمه اسلامى
لان الاسلام فكر وعقيدة وحياة واساس كل شى فيجب ان يكون هو اصل والنيه
العمل لكل شى
لانى اعمل من اجل الاسلام وليس من اجل شى اخر ولهذا كان اسم الاسلام هو مرتبط بكل شى عندى فى العمل العام او الخاص
احمد الجيزاوى

احمد الجيزاوى said...

امام الجيل
وحشنى كتير فينك يا راجل والله انا مقصر فى حقك بس سمحنى عموما تذكرنا بدعاء ان شاء الله
احمد الجيزاوى

احمد الجيزاوى said...

عمر محمود
انا مش فاهم منك حاجه
حول توضح
احمد الجيزاوى

احمد الجيزاوى said...

simple girl.. ..simple dream
وانتى طيبه وامين يا رب والف شكر
احمد الجيزاوى

احمد الجيزاوى said...

alzaher
دكتور نورت المدونه
وكل عام وانت بخير
ومصر ام الدنيا بالف خير
احمد الجيزاوى

احمد الجيزاوى said...

كدا وبتاع
الف شكر ومنور المدونه
وفعلا معاك الف حق فى موضوع الجامعات
احمد الجيزاوى

احمد الجيزاوى said...

EmY
وانتى بلف خير وسعادة واعادة الله عليك بخير
احمد الجيزاوى

احمد الجيزاوى said...

وطنى
انت بالف خير وسعادة
احمد الجيزاوى

احمد الجيزاوى said...

عصفور الاسكندريه
كل عام وانت بخير واهل اسكندريه بكل خير وسعادة
احمد الجيزاوى

احمد الجيزاوى said...

ابو مفرج
المدونه نورت بحضرتك
وكل عام وانت بخير
احمد الجيزاوى

احمد الجيزاوى said...

الاخت الكريمه شقاوة شعب
جزاكى الله كل خير
واكرمك الله وانا متفق معكى فى ان التوعيه والدعوة هى خير سبيل ولنا فى رسؤال الله خير قدوة فى منهج الدعوة
احمد الجيزاوى

احمد الجيزاوى said...

بنت أبيها
وانتى بالف صحه وخير وعادة الله عليك بكل خير
احمد الجيزاوى

احمد الجيزاوى said...

صانعة الحرية
الاحت الكريمه فقط تذكرينا بدعاء واسئل الله ان يجعل نيتك الخالصه لوجه ودعائك فى ميزان حسناتك
امين
احمد الجيزاوى

Empress appy said...

كل سنه انت طيب واولا اشكرك على حاجه انى لما قريت عنك مرة فى مصراوى تتبعت أخبارك ومن هنا عرفت يعنى ايه مدونة وعملت واحده صغير بس الفضل ليك انت وعبد الحمن فارس ميرسى وكل سنه وانت طيب
ttp://appyplant.plogspot.cpm

احمد الجيزاوى said...

appy
اولا الف مبروك عليك المدونه والف مبروك على عالم التدوين دخولك له
وبصراحه شرف كبير جدا انى اكون سبب فى دخولك عالم الندين ويشرفنى فعلا معرفتك واتمه من نكون اصدقاء
عموما ارجه ان نكون على تواصل
اميلى : ahmedgazaye2007@yahoo.com
وربنا معاك ومرة اخرة مبروك على المدونه
احمد الجيزاوى

الفارس المثالي said...

شركة تنظيف منازل بالخبر تعد افضل شركة تنظيف بالخبر حيث تقدم جميع خدمات تنظيف المنازل والشقق والفلل والمجالس والكنب والسجاد والموكيت بافضل جودة وارخص الاسعار بالاعتماد علي كافة الادوات والامكانيات الجديثة والمتطورة فتعد افضل شركة تنظيف مجالس بالخبر بالاضافة الي تقديم العديد من خدمات التنظيف الاخري التي يحتاجها اهالي محافظة الجبر والدمام من تنظيف وصيانة مسابح وتنظيف مطابخ وتنظيف وصيانة المكيفات اي ان شركة المثالي جروب تعد افضل شركة تنظيف بالخبر
فلدينا

شركة تنظيف منازل بالقطيف
شركة تنظيف بالقطيف

شركة تنظيف مسابح بالخبر
شركة صيانة مسابح بالخبر
شركة تنظيف كنب بالخبر
شركة تنظيف مطابخ بالخبر
شركة تنظيف مكيفات بالخبر

شركة تنظيف مسابح بالدمام
شركة تنظيف مسابح بالقطيف
شركة صيانة مسابح بالقطيف